Mateo 4:3 - A Nitana Vure

³ A bakovi ni toni e huriki i bele vona, i takia, “Ge ioe a tuna Vure, o taki a kedo nga ri gi mapulo ri gi manga a bret.”

Mateo 4:3 Iomraidhean Croise

A Nimariu 16:3

Ri ta maea, “I kamumu hateka mi gi mate na limane BAKOVI DAGI o Egipto! Na tahuna mi made vonga mi kani a kinani legelege, mi maru. Pali marua muru tamitala valai mia koea, muru ngaru mia lobo mi gi mate na vitoloa na tabeke i ngeki.”

Mateo 14:33

Lakea e huriki ri made na aga ri kavurikea, ri ta maea, “Muholi hateka, ioe a Tuna Vure.”

Mateo 16:16

E Simon Petrus i koli, i ta maea, “Ioe e Kristo, a Tuna Vure Mahuri.”

Mateo 26:63

Pali e Isu i vulai mavonga. Lakea a prister dagi i nanea, “A taki ioe na rana Vure Mahuri, o vakalongo mia ngane, ioe e Kristo, a Tuna Vure?”

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Markus 1:1

Iea a vuhuna a Velenga Kamumu ne Isu Kristo, a Tuna Vure.

Markus 3:11

Na tahuna e huriki i dili ne ria a hanitu ri masia, ri tabuli puru na ngalana, lakea e huriki a hanitu ri gale tala, ri ta maea, “Ioe a Tuna Vure.”

Markus 5:7

A hanitu pololilo vona i gale dagi, i ta maea, “Isu, Tuna Vure Meli Liu. Go rata navai iau? Iau a nana ioe na matana Vure, naha ni ratapile iau.”

Lukas 1:35

A agelo i koli mule, i ta maea, “A Hanu Kiripiripi bara i valai vomu, a nitora na Vure Meli Liu bara i kavitagu ioe. Lakea a koma bara o podea ni gi gale a bakovi kiripiripi, bara ni gale a Tuna Vure.

Lukas 22:70

Ria lobo ri nanea, “Ra i mavonga, ioe a Tuna Vure?” Lakea e Isu i taki ria, “A ngava mu takia pali. Iau kunana.”

Lukas 4:3

Lakea a hanitu i takia, i ta maea, “Ge ioe a Tuna Vure, o takia a kedo iea ge mapulo ge manga a bret.”

Lukas 4:41

I lili tala e huriki a hanitu ne huriki ala kupo. Na tahuna ri ha tala, ri gale dagi, ri ta maea, “Ioe a Tuna Vure.” Pali e Isu i tahate ria, nahea ri gi ta, a vuhuna ri lohoka vona ia e Kristo.

Lukas 4:9

Muri a hanitu i tuli tabua e Isu, i vakapesi langea na mapana roho na Vure o Ierusalem, i takia, “Ge ioe a Tuna Vure, o to raga koea,

Ioanes 1:34

Iau a masia, lakea a vakalongo mua vona ngane, ra bakovi iea a Tuna Vure.”

Ioanes 1:49

Muri e Nataniel i ta maea, “Mari ni tovo, ioe a Tuna Vure, ioe a hariki ne Israel.”

Ioanes 20:31

Pali a here puru a maka ngava nga, mu gu luhoi torea e Isu ia e Kristo, a Tuna Vure. Lakea na tahuna mu luhoi torea, bara mu bole a nimahuri vakaroro na rana.

Ioanes 9:35

E Isu I longoa a bakovi iea ni tono tala liu, lakea i vano i masia, i takia, “Ioe o luhoi tora a Tuna Bakovi?”

Apostolo 9:20

i lakea malaviriri na maka roho na vaponga, i vakalongo e huriki maea, “E Isu ia a Tuna Vure.”

2 Korin 1:19

E Isu Kristo, a Tuna Vure, ra viri mateu e Sailas, e Timoti mete vakalongo mua vona, i uka ma i pulo lae a ngavana. E Isu i ramai vakaroro a ngava i taki.

Galesia 2:20

Ngane iau i uka ma a viri a mahuri, pali e Kristo i mahuri pololilo nau. A maki lobo a rata koea na malala, a rata a vuhuna a luhoi torea a Tuna Vure, ra i ngaru hateka iau, i mate na murigu.

1 Tesalonika 3:5

A lohoka vona muga bara ni vakamadihi mua, lakea a marikoi ni dava tabu. A rudua e Timoti i lakene ne mua, ge vakalongo iau vona mu tabana ni luhoi torea e Kristo, o i uka. A mangenge vona a bakovi ni toni, ma ge toni mua, muri bara i velu tavula a leho dagi ne mateu.

Hibru 12:16

Nahea tara viri ne mua ge rata a naro na molenga, o ge biua a Vure, i manga e Esau hosi. E Esau a tabua. Bara i bole a maki lobo ne tamana, a nigamai ne tamana. Pali i habi polo ne tarina a maki lobo nga, ge kani balaka taku kunana.

Hibru 4:14

E Isu, a Tuna Vure, a Prister Dagi ne hita, i sike pali na hunu, i made turana Vure. I mavonga, si gi pesi tata ni luhoi torea.

Hibru 7:3

I uka tara viri ge lohoka vona e tamane e kinane Melkisadek. A hamona tara i uka ma ni lohoka vona. A parava ni poda ia vona, a parava i mate vona, ngi ranga i uka ma ni lohoka vona. I mavonga, i manga a prister vakaroro, manga kunana a Tuna Vure.

1 Ioanes 3:8

Pali e rei a viri i ramai vakaroro a naro hale, ia a bakovi ne Satan, a vuhuna e Satan i ramai a naro hale, i vakatubu hosi na nidoko na hunu a malala. A Tuna Vure i puru valai koea na malala ge vakalobo a leho ne Satan.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.