Mateo 4:17 - A Nitana Vure

¹⁷ Ngane e Isu i vakatubu ni vara maea, “Mu pulo a vilone mua. A harikianga na hunu i tabukoi ge bele.”

Mateo 4:17 Iomraidhean Croise

Mateo 10:7

Mu vara maea, ‘A harikianga na hunu i valai tabukoi pali.’

Mateo 11:12

Na tahuna e Ioanes, a mari ni vahilolo, i vakatubu a leho vona, i valai i harena mona, a harikianga na hunu i koru malaviriri na nitora na Vure. E huriki a bakovi ni rata tuhare ri vaubi maia.

Mateo 13:11

E Isu i koli, i ta maea, “A Vure i habi a lohokanga ne mua, mu gu lohoka vona a maki kapiloho na harikianga na Vure. Pali i uka ma i habi a lohokanga ne ria.

Mateo 13:24

E Isu i taki tabua tara nita vakakika, “A harikianga na hunu i manga a bakovi i varo a vutuna vit na hania.

Mateo 13:47

“A harikianga na hunu i manga a vuko ni ru na darilomu, i koro vona a manu legelege.

Mateo 13:9

E rei a viri i ngaru ni longokilalea a ngavagu, ge longo kamumu, ge luhoi kado.”

Mateo 25:1

“Na tahuna iea a harikianga na hunu bara i manga a sirula ala ravulu ri bole a lam ne ria, ri vano ri gi tagui a bakovi i parangi karaba.

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Mateo 6:10

a harikianga vomu ge valai. A ningaru vomu ni gi ramai koea na malala, i manga a hini ni rata meli na hunu.

Mateo 9:13

Mu vano mu luhoi kado taroa a nitana Vure iea: ‘I uka ma a ngaru a nihabi. A ngaru a rabu ni dodo.’ Iau a valai i uka ma ga gale mua e huriki mu luhoi ta mu malamala mu gu pulo a vilone mua. A valai ga gale e huriki ri naro hale ri gi pulo a vilone ria.”

Lukas 15:10

I mavonga kunana, a Vure turana e huriki a agelo bara ri vivi hateka, na tahuna ri masia a bakovi hale tara i pulo a vilona.”

Lukas 15:7

A Vure tara, na tahuna a bakovi hale i pulo a vilona, i vivi hateka. I vivi ne huriki ala 99 ri kamumu pali, ri pulo pali a vilone ria. Pali i vivi hateka na bakovi hale ala taku i pulo a vilona.”

Lukas 24:47

Mu vakatubu o Ierusalem, mu vara na tanga lobo na malala a ngava ne huriki ri gi pulo a vilone ria, lakea a Vure ge puga vuroki a naro hale ne ria.

Lukas 3:23

E Isu i vakatubu a leho vona na tahuna i tahoka a pida i ravulu tolu. E huriki ri luhoi ia ta ia e tune Iosep. E Iosep ia e tune Heli.

Lukas 5:32

Iau a valai i uka ma ga gale mua e huriki mu luhoi ta mu naro kamumu mu gu pulo a vilone mua. A valai ga gale e huriki ri naro hale ri gi pulo a vilo ne ria.”

Lukas 9:2

I rudu tala ria, ri gi vara vona a harikianga na Vure, ri gi vakamahuri e huriki ri giloa.

Apostolo 11:18

Na tahuna ri longoa a nitana, ri uka ngava, lakea ri kavurikea a Vure, ri ta maea, “Ngane si lohoka vona e huriki a bakovi i uka ma ria a Iuda, ria ranga a Vure i ngaru ria ri gi pulo a vilone ria, ri gi bole a nimahuri vakaroro.”

Apostolo 17:30

Hosi a Vure i matataro e huriki i uka ma ri lohoka. Pali ngane i vakuku e huriki lobo na tanga lobo ri gi pulo a vilone ria,

Apostolo 2:38

E Petrus i koli, i ta maea, “Mua lobo, mu pulo a vilone mua, ni gi vahilolo na rane Kristo, lakea a Vure bara i puga vuroki a naro hale ne mua. Muri bara i habi ne mua a Hanu Kiripiripi.

Apostolo 20:21

A taki tora e huriki a Iuda, e huriki a Grik, ri gi pulo a vilone ria, ri gi ramaia a Vure, ri gi luhoi torea a Bakovi Dagi ne hita, e Isu Kristo.

Apostolo 26:20

A vakatubu ni vakalongo e huriki ri gi pulo a vilone ria, ri gi ramai a Vure, ri gi rata a naro ge vakasiri ria ri mapulo muholi pali. A vakalongo muga e huriki o Damaskus e huriki o Ierusalem. Muri a lakea na tanga lobo na tabeke ne Iudea, muri a lakea ne huriki i uka ma ria a Iuda, a vakalongo ria.

Apostolo 3:19

I mavonga, mu pulo a vilone mua, mu lakea mai a Vure, lakea bara i ravunu vuroki a naro hale ne mua. Mu rata mavonga, e Bakovi Dagi bara i habi a nimalo ne mua,

Hibru 6:1

I mavonga, a ngaru mu gu lobo ni bole a nitovo manga a koma kiroko. A ngaru mu gu koru rike, mu gu paki. Mu gu lobo ni bole vakaroro a nitovo na vuhuna ngava ne Kristo, ra nitovo manga e huriki ri gi pulo a vilone ria, ri gi pe a naro hale ne ria, ri gi luhoi torea a Vure.