Mateo 4:13 - A Nitana Vure

¹³ I malaga o Nasaret, i vano i made o Kapernaum, a tanga tabukoi na darilomu na malala ne huriki a kabu ne Sebulun e Naptali.

Mateo 4:13 Iomraidhean Croise

Mateo 11:23

Mua e huriki a bakovi a ngatavine o Kapernaum, naha ni luhoi a Vure ge bole rike mua na hunu. I uka liu! Bara i voro puru mua na tanga ne huriki ri mate pali. A maka nivakasiri a rata na tanga ne mua, bara ni rata hosi o Sodoma, a tanga iea bara i tabana mona.

Mateo 17:24

Na tahuna ri bele o Kapernaum, e huriki a bakovi ni bole a 50 toea takis na roho na Vure ri valai ne Petrus, ri nanea, “Ra mari ni tovo ne mua, i kona kilala a takis na roho na Vure, o i uka?”

Mateo 4:14

Ngane i bele muholi a ngava ni taki polo na propet, e Isaia, i ta maea,

Mateo 4:15

“E huriki ri made na malala ne huriki a Sebulun, e huriki a Naptali, a dala i pori lakea na dari, na tabeke tara na naru e Iordan, a robo e Galili, ra i made vona e huriki i uka ma ria a Iuda,

Mateo 9:1

Muri e Isu i rike na aga, i pasi polo na darilomu, i bele na tanga vona.

Markus 1:21

Muri ri lakea na tanga e Kapernaum. A Parava Nimalo i bele ngane, lakea e Isu i dili malaviriri na roho na vaponga, i vakatubu ni vara.

Markus 2:1

Muri na parava ranga, e Isu i lakea tabu o Kapernaum. E huriki a bakovi a ngatavine ri longoa e Isu i dili pali na ruma, lakea ri dili maia.

Lukas 10:15

Mua o huriki a bakovi a ngatavine o Kapernaum, mu luhoi a Vure ge bole rike mua na hunu? I uka liu! Bara i voro puru mua na tanga ne huriki ri mate pali.

Lukas 4:23

Lakea e Isu i taki ria i ta maea, “Muholi hateka, muri ma bara mu takia nau tara ngava hosi i nangi maea: ‘Ioe a bakovi ni korimule e huriki, o korimule ioe ke!’ Muri bara mu ta maea, ‘Mi longo ioe o rata a maka nivakasiri o Kapernaum. Pali ngane o rata koea na tanga vomu a maka maki nga.’

Ioanes 2:12

Muri na habu, e Isu i puru o Kaper­naum turana e kinana, e tarina mai, e huriki a murimuri vona. Ri made vonga na parava ranga.

Ioanes 4:46

Muri i vano i gosi tabua a tanga e Kana na tabeke ne Galili, ra tanga rira i pulo a naru i lakea na vain vona. Na parava tara, a bolekori na hariki i made o Kapernaum, i giloa e tuna, i popote ge mate. I longoa e Isu i malaga o Iudea, i bele pali o Kana. Lakea i laho lokovonga, i taki torea e Isu ge vakamahuria e tuna.

Ioanes 6:17

ri rike na posi, ta ri gi hamule lakea o Kapernaum. Ngane i rodo a hini, pali e Isu i uka ma i luve taho ria ma.

Ioanes 6:24

Ngane ri matakilaka vona e Isu turane huriki a murimuri vona i uka ma ri made tabu vonga. Lakea ri rike na maka aga o Tiberius, ri lakea o Kapernaum ri gi matakanea e Isu.

Ioanes 6:59

E Isu i taki a ngava nga na tahuna i vara na roho na vaponga o Kapernaum.