Mateo 4:11 - A Nitana Vure

¹¹ Muri a hanitu i ha taroa. I valai ngane e huriki a agelo ri tuhoria.

Mateo 4:11 Iomraidhean Croise

Mateo 26:53

Iau bara ngaru, bara takia e Tata, bara i rudu valai a tara bulolo ne huriki a agelo, ri gi kori iau.

Mateo 4:6

i takia, “Ge ioe a Tuna Vure, o to raga, a vuhuna a ngava ni here puru na Hinere i maea, ‘A Vure bara i rudu e huriki a agelo vona, ri valai ri matakari ioe. Ri gi bole rike ioe na limane ria, ma ge padi a vahamu a kedo.’”

Markus 1:13

I made vonga na parava i ravulu va, lakea e Satan i tonia. E Isu i made turana maka maki mahuri na robo, pali e huriki a agelo ri tuhoria.

Lukas 22:43

Muri a agelo tara i bele valai na hunu, i tuhoria.

Lukas 22:53

A made turane mua na parava lobo na roho na Vure, pali i uka ma mu lakavu iau. Pali ngane a parava ne mua, a parava na nitora na uvo.

Lukas 4:13

Na tahuna a hanitu i toni loboa e Isu na nitoni legelege lae, muri i vano, ge dava, ge toni tabua muri ma.

Ioanes 14:30

I uka ma ga ta vilihui lokovonga, a vuhuna a matakari na malala ta ge valai ngane. Pali i uka nitora ge ratea nau.

1 Timoti 3:16

I muholi hateka, a ngava na naro na Vure i kamumu hateka. Ra ngava iea hosi i kapiloho, pali ngane ni taki tala pali ne hita. A ngava iea i maea: E Kristo ni poda, i bele manga a bakovi. A Hanu Kiripiripi i vakasiri a narona i kamumu. E huriki a agelo ri masia. A velengana ni vakalongo na tanga lobo na malala. E huriki ranga koea na malala ri luhoi torea. Ni bole sike na hunu, i bole a bagetuanga.

Hibru 1:14

E huriki a agelo a hanu kunana. A Vure i rudu ria ri gi tuhori e huriki a bakovi a ngatavine a Vure i korimule ria.

Hibru 1:6

Na tahuna a Vure i rudu vilia na malala e Tuna a tabua, i ta maea, “E huriki a agelo lobo ri gi kavurike ia.”