Mateo 28:10 - A Nitana Vure

¹⁰ Muri e Isu i taki rua, i ta maea, “Naha ni mangenge. Muru vano muru vakalongo e huriki a turagu ri gi lakea o Galili, ri gi matai iau vonga.”

Mateo 28:10 Iomraidhean Croise

Mateo 14:27

Pali e Isu i malaviriri kunana i taki ria, “Naha ni mangenge, mu tuhaka! Iau kunana.”

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Mateo 25:45

“E Bakovi Dagi bara i koli, i ta maea, ‘A taki muholi mua, a maki i uka ma mu rata virihi e huriki a turagu matasia vona, i uka mu rata virihi iau vona.’

Mateo 26:32

“Pali na tahuna ga mahuri mule, bara muga lakea o Galili.”

Mateo 28:16

Muri e huriki a murimuri ala ravulu a polona i taku ri lakea o Galili. Ri bele vona a lolo e Isu i taki ria ri gi luve vona.

Mateo 28:5

Pali a agelo i taki rua, i ta maea, “Naha ni mangenge. A lohoka marua, muru matakanea e Isu, ra ni paditata na kai tavalavala.

Mateo 28:7

Muri muru vano malaviriri, muru vaka­longo e huriki a murimuri vona, muru ta maea, ‘E Isu i mahuri mule pali na nimate. I muga lakea o Galili. Mu vano, mu masia vonga.’ Ngane a vakalongo pali marua.”

Mateo 28:9

Ru tabana ni nunu na dala, e Isu i luve vakaturutu ne rua, i ta maea, “Hate­langa.” Lakea ru valai vona, ru nugu­tata a vahana, ru kavu­rikea.

Markus 16:7

Ngane moto vano, moto vakalongo e huriki a murimuri vona turana e Petrus, moto ta maea, ‘E Isu i muga lakea o Galili. Mu vano mu masia vonga, i manga a ngava i taki muga mua vona.’”

Ioanes 20:17

Lakea e Isu i takia, i ta maea, “Naha ni nugu iau, a vuhuna i uka ma a hamule lakea ma ne Tata. Pali ngane o hamule lakea ne huriki a turagu, o taki ria, ‘Iau ga hamule lakea ne Tata ne Tamane mua, na Vure nau a Vure ne mua.’”

Ioanes 6:20

Pali e Isu i taki ria, i ta maea, “Iau kunana. Naha ni mangenge.”

A Raukea e Paulus i Here Lakea ne Huriki a Rom 8:29

I paru hosi, a Vure i lohoka pali ne huriki ta ri gi luhoi tora ia. I lohoka muga ne ria, i taki muga ri gi bole a narone Tuna, ge ia a tabua ne huriki e tarina, re hita e huriki a tuna Vure.