Mateo 27:51 - A Nitana Vure

⁵¹ Malaviriri kunana a lava­lava dagi na roho na Vure i mavida valai meli i puru tano, i bale rua. A vuruke i pori, i makeve a maka kedo dagi.

Mateo 27:51 Iomraidhean Croise

A Nimariu 40:21

Muri i ru pololilo na kape a tava, i vakatavorea a kala dagi i naviri mulea, i manga a ngava e BAKOVI DAGI i vakuku e Moses vona.

E Levi 16:2

Muri e BAKOVI DAGI i takia e Moses, “O takia e turamu e Aron, nahea ge dili na ningaru vona na Tabeke Nitaba Hateka na bitona kala dagi. Pali na tahuna i ngaru e rei a kilala ge dili vona, ge dili. A vuhuna iau a made pololilo na bubu, a bele kavakava na murina nidodo na Tava na Ngava Dagi. Ia ge dili tavula na tabeke iea, bara i mate.

E Levi 21:23

Pali a vuhuna i nabatabuna, nahea ge lakea tabukoi na kala dagi i kavitagu a Tabeke Nitaba Hateka, nahea ge lakea tabukoi na dede i pesi vonga, ma ge vakamuto a mailo nau. Iau e BAKOVI DAGI a rata a maki nga i malamala.”

Ni Gi 4:5

Na tahuna e huriki a Israel ri gi pea a mada ni lakea na tabeke tara, e Aron turane huriki e tuna bakovi ri gi dili na Kape na Vaponga, ri gi parua a kala dagi i naviri dili a Tava na Ngava Dagi, ri gi kavitagua a tava na kala iea.

Mateo 27:54

Na tahuna a ubu turana e huriki ri tagaria e Isu ri hatakia a vuruke, ri matai a maka maki i bele, ri mangenge, i vakulu a tagane ria, ri ta maea, “Muholi hateka, ra bakovi iea a Tuna Vure!”

Mateo 28:2

I pori vakaturutu a vuruke, a vuhuna a agelo ne Bakovi Dagi i puru valai na hunu, i kule vurokia a kedo dagi ni tukari a matana babe vona. Muri i made langa vona.

Markus 15:38

Na tahuna iea, a lavalava dagi na roho na Vure i mavida valai meli i puru, i bale rua.

Lukas 23:45

a vuhuna a haro i uka ma i para. A lavalava dagi na roho na Vure i mavida i bale rua.

Lukas 23:47

Na tahuna a ubu na tara na nugu­maheto i masia a maki i bele, i kavurikea a Vure, i ta maea, “Muholi hateka, a bakovi iea i uka ma i ratea tara naro hale!”

Hibru 6:19

Ra maki a Vure i taki hita si gi pasimata vona, i rata hita si pesi tata, i manga a vago ni hori a aga vona, i ratea a aga i pasi na tabeke i taku kunana. I tuli hita si bele na matana Vure, i manga a prister dagi hosi ri dili na Tabeke Nitaba Hateka, na bitona lavalava dagi ni topi rike na roho na Vure.

Hibru 9:3

A tabeke ni dili vona muri ni gale a ‘Tabeke Nitaba Hateka.’ A lavalava dagi ni vulala kari a matana.

Kapiloho 11:13

Na tahuna iea kunana a vuruke dagi i pori. A tanga dagi ni nagi na tabeke i ravulu. A tabekena tara, a roho lobo ri mapuka puru. A bakovi a ngatavine ala 7,000 ri mate na vuruke iea, pali e huriki ri tabana ri mangenge hateka, ri vakabagetua a rana Vure na hunu.

Kapiloho 11:19

Muri a Roho na Vure meli na hunu, ni tala. A Tava na Ngava Dagi ni matai i tabuli pololilo na Roho vona. A vila i maravila, i kururu, i pelaka, a vuruke i pori, a vala kedo dagi i boru.