Mateo 27:2 - A Nitana Vure

² Muri ri kolotatea, ri turaria lakea ne Pilato, ra bakovi i matakari a tabeke iea.

Mateo 27:2 Iomraidhean Croise

A Vuhuna 22:9

Na tahuna ru bele na mapana lolo, na hini a Vure i taki e Abraham vona, lakea e Abraham i ratea vonga a dede-kedo. I ru vapopo langa vona a kai. Muri i kolotatea e tuna, i bolea i vakatabuli langea na kai.

Mateo 20:19

Muri bara ri habia na limane huriki i uka ma ria a Iuda, ri gi padikedea, ri gi hotua, ri gi paditatea na kai tavalavala. Muri na parava i tolu, a Vure ge vakamahuri mulea.”

Mateo 28:14

Ra ngava iea, ge longoa e Pilato, naha ni loho lege. Bara mi vano, mi vakalongo kamumua, bara mu uka ngava.”

Lukas 13:1

A bakovi ranga ri laho turane Isu ri vakalongoa vona tara maki. E Pilato i rabalaki ranga bakovi o Galili na tahuna ri habi a nihabi na Vure.

Lukas 20:20

Lakea ri rudu e huriki ranga ri gi tamilalu ni muri ne Isu, ri gi kasisi, ri gi matanonoa ge rata ranga ngava hale, bara ri taki tala ne Pilato.

Lukas 23:1

Muri ria lobo ri pesi rike, ri tulia e Isu ge lakea ne Pilato.

Lukas 23:12

Muga e Pilato e Herod ru vagima. Pali na parava iea ru vamule mai.

Lukas 3:1

E Kaiser Tiberius i matakari pali na pida i ravulu a polona i lima (15), e Ponsius Pilato i matakari o Iudea. E Herod i matakari o Galili, e turana e Pilip i matakari o Iturea o Trakonitis. E Lisanias i matakari o Abilene.

Ioanes 18:12

Muri e huriki a nugumaheto turana ubu ne ria, e huriki a bolekori ne huriki a Iuda ri lakavua e Isu. Ri kolotatea,

Ioanes 18:24

Muri e Anas i rudua ge lakea na prister i muga ne huriki a prister lobo, a rana e Kaipas. A limane Isu i tabana ni kolotata.

Ioanes 18:28

Muri e huriki a Iuda ri tuli talea e Isu na ruma ne Kaipas, ri tulia i lakea na ruma dagi na bakovi o Rom ra i matakari vonga. I hatelanga pali a hini, lakea e huriki a Iuda i uka ma ri dili na ruma dagi, a vuhuna ri koi ri gi katoki na matana Vure, bara ri keri ni kani a kinani na Habu na Nipagepolo.

Apostolo 12:6

Na rodo muga na parava e Herod ta ge bole talea e Petrus ni gi pelekado, e Petrus i mahita na koropalana a nugumaheto ala rua. Ri kolotatea na sen i rua. E huriki a nugumaheto ranga ri tagari na logo na bavi.

Apostolo 21:33

Muri a ubu i lakea maia e Paulus, i tangotatea. I taki e huriki a nugumaheto ri gi kolotatea e Paulus na sen i rua. Muri i nana, “E rei a bakovi iea? A ra naro hale i ratea?”

Apostolo 22:25

Pali e Paulus, na tahuna ri kolotatea ta ri gi lagua, i nanea a nugumaheto tara, i ta maea, “Iau a tahotanga ne Rom. I uka ma mu pelekado iau ma. Ra hini mu gu lagu iau vona, a vinara ne mua i ta navai?”

Apostolo 22:29

Na tahuna e Paulus i ta mavonga e huriki a bakovi ta ri gi lagua, ri karuku hamule. A ubu tara i mangenge, a vuhuna i kolotatea na sen e Paulus, re Paulus, a tahotanga o Rom.

Apostolo 24:27

I lobo a pida i rua, e Porsius Pestus i kuloi e Peliks, i matakari. E Peliks i ngaru e huriki a Iuda ri gi luhoi ia ge ia a bakovi kamumu, lakea i uka ma i vakapagetalea na bavi e Paulus.

Apostolo 28:20

Na naro iea kunana a nana ta ga matai mua ga ta turane mua. Iau ni kolotata maea na sen, a vuhuna a muri ne Kristo, ra viri e huriki a Israel ri pasimata vona ge valai.”

Apostolo 3:13

A Vure ne Abraham, ne Isak, ne Iakop, ne huriki a gare ne hita i vakabagetua a Vora vona, e Isu, a viri mu habia ne huriki a bakovi hale. E Pilato i ngaru ni vakaha ia, pali mua mu koi.

Apostolo 4:27

A ngava nga ri bele muholi na tahuna e Ponsius Pilato e Herod ru vapopo koea na tanga iea turane huriki a Israel, e huriki i uka ma ria a Iuda. Ri vapopo, ri matakana a dala ri gi ratapilea a vora vomu, re Isu, a viri o vulakia.

Apostolo 9:2

i takia ge herea tara raukea ge bole lakea na maka roho na vaponga na tanga dagi e Damaskus. A raukea bara i vakalongo ria ne Saulus ge lokovonga, ge matavisi ranga bakovi a ngatavine ri ramai a Dala ne Bakovi Dagi, bara i lakavu ria, i turari mule valai o Ierusalem.

1 Timoti 6:13

Iau a taki tora ioe na matana Vure, ra i habi a nimahuri na maki lobo. A taki tora ioe na matane Isu Kristo, ra i ta muholi na matane Ponsius Pilato, i taki tala a ngava.

2 Timoti 2:9

lakea ri rata hale iau, manga iau a bakovi hale, ri kolotata iau na sen. Pali a nitana Vure i uka ma ni gi kolotata.

Hibru 13:3

Mu kori e huriki ri made na bavi, i manga mua ranga mu made turane ria na bavi. Mu kori e huriki ni vakamadihi, i manga mua ranga ni vakamadihi turane ria.