Mateo 26:61 - A Nitana Vure

⁶¹ ru pukatala a ngava, ru ta maea, “Ra bakovi iea i ta maea, ‘I kara iau ga pukea a roho na Vure, muri ga hae mulea na parava i tolu kunana.’”

Mateo 26:61 Iomraidhean Croise

A Vuhuna 19:9

Ri gege mule, ri ta maea, “O pesi lakene. Ioe, i uka ma ioe a bakovi koea go pelekado a narone mia. O Lot, o longo valai, bara mi ratapile a mosi nga, pali ioe bara mi ratapile hateka ioe.” Ri kopea e Lot, ri boletugu lokovongea ta ri gi pukea a logo.

Mateo 12:24

Pali na tahuna e huriki a Pariseo ri longo a ngavane huriki, ri ta maea, “Ra bakovi iea, i lili tala a hanitu na nitora ne Belsabub, a hariki ne huriki a hanitu.”

Mateo 26:62

Lakea a prister dagi i pesi rike, i ta maea, “I navai i uka ma o taratoto? O luhoi navai vona a ngava ni padi virihi ioe vona?”

Mateo 26:71

Muri e Petrus i vuru tala na logo, lakea a vora ngatavine tara i masia, i taki e huriki ri mamade vonga, “Ra bakovi iea i laho turane Isu, ra bakovi o Nasaret.”

Mateo 27:40

ri ta maea, “O taki ioe ta go pukea a roho na Vure, muri go hae rikea na parava i tolu. Ngane o korimule ioe ke! Ge ioe a Tuna Vure muholi, o puru valai na kai tavalavala!”

Mateo 27:5

Lakea i voro dili na roho na Vure a moni, muri i vano ia i vakatavore mule ia, i tomo.

Markus 14:58

“Mi longoa a bakovi iea i takia ta ge pukea a roho na Vure, ri haea e huriki a bakovi. Muri, ge lobo a parava i tolu, ge hae mule tabua, i uka ma ni gi hae na limana bakovi.”

Markus 15:29

E huriki ri laho polo ri mapakulu, ri harogia e Isu ri ta maea, “Ra ioe o taki ta go pukea a roho na Vure, muri go hae tabua na parava ge tolu.

Lukas 23:2

Na tahuna ri bele, ri vakatubu ni padi virihia na ngava, ri ta maea, “Mi masia a bakovi iea i tami hita e huriki a Iuda, i taki hita nahea si gi habi a takis ne Kaiser. I taki ta ia a hariki, ta ia e Kristo, ra viri a Vure i vulakia.”

Ioanes 9:29

Mi lohoka vona a Vure i ta turane Moses, pali ra bakovi iea i uka ma mi lohoka vona i valai vai.”

Apostolo 17:18

E huriki a mari ni tovo na lohokanga ni gale e huriki a Epikuria, e huriki a Stoik, ria ranga ri longoa e Paulus. E huriki ranga ri ta maea, “A bakovi iea i ta tavulavula. I uka ma mi longokilalea a ngavana.” E huriki ranga ri ta maea, “I vakalongo kunana na maka vure ne huriki basi.” Ri ta mavonga, a vuhuna e Paulus i vara na Velenga Kamumu ne Isu, na naro na nimahuri mule na matenga.

Apostolo 18:13

Lakea ri ta maea, “A bakovi iea i tovo e huriki ri gi kavurikea a Vure na naro tebi, i uka ma i ramai a vinara.”

Apostolo 22:22

I muga e huriki a Iuda nga ri made madoru, ri longo a ngavane Paulus. Pali na tahuna i taki a Vure i rudua ge lakea ne huriki i uka ma ria a Iuda, ri magulu rike lobo, ri ta maea, “Mu rabalakia! A bakovi iea i uka ma i kara ge made na malala!”