Mateo 26:29 - A Nitana Vure

²⁹ A taki mua, iau i uka ma ga ninu tabu a vain, bara i vano i harena na parava a ninu a vain karaba turane mua na harikianga ne Tata.”

Mateo 26:29 Iomraidhean Croise

Mateo 13:43

E huriki a bakovi malamala bara ri para manga a haro pololilo na harikianga ne Tamane ria. E rei a viri i ngaru ni longokilalea a ngavagu, ge longo kamumu, ge luhoi kado.

Mateo 16:28

A taki muholi mua, i ranga ne mua, ra mu pepesi koea, i uka ma mu gu mate ma, bara mu masia a Tuna Bakovi i luve na harikianga vona.”

Mateo 18:20

I mavonga, a vuhuna na tahuna a viri ala rua o ala tolu to vapopo na ragu, iau a made vonga turane tou.”

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Mateo 26:28

a vuhuna a vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni puga vuroki a naro hale ne huriki ala kupo.

Mateo 26:30

Ri kalolo lobo a linge vasileki, muri ri lakea na lolo e Oliva.

Markus 14:25

A taki muholi mua, iau i uka ma ga ninu tabu a vain, bara i vano i harena na parava a ninu a vain karaba na harikianga na Vure.”

Lukas 12:32

“Mua o huriki a kabu kiroko na sipsip nau, naha ni mangenge, a vuhuna e Tamane mua i vivi ni habi ne mua a harikianga vona.

Lukas 15:32

Pali ngane si gi rata a habu si gi vivi, a vuhuna e tarimu i mate, i mahuri mule tabu. Muga i velu, ngane ni matavisi.’”

Ioanes 15:11

A taki mua vona a ngava iea, mu gu vivi manga iau a vivi, bara mu vivi liu.

Ioanes 16:22

Mua ranga: Ngane a tahuna nidodo. Pali muri ma bara matai tabu mua, bara mu vivi. I uka tara viri ge bole vurokia a nivivi ne mua.

Ioanes 17:13

“Iau a popote ga sike lakene vomu. A taki a maka ngava nga na tahuna a tabana ni made koea na malala, a vuhuna a ngaru ria ri gi vivi hateka na nipitei nau.

Apostolo 10:41

Pali i uka ma i bele ne huriki lobo. I bele kunana ne mia e huriki a Vure i vulaki mia mi gi matai, mi gi vakalongo e huriki. Re mia e huriki mi kani, mi ninu turana na tahuna i mahuri mule.

Hibru 12:2

A niluhoi ne hita ge doko kunana ne Isu. Ia a vuhuna a niluhoi ne hita, ia a viri kunana i malamala liu na naro vona ni luhoi tora. Na tahuna i bole a nimadihi dagi ni mate na kai tavalavala, i hatenono kunana. I uka ma i mangenge vona a nimaruhu dagi ge mate na naro iea, a vuhuna i luhoi kunana a nivivi dagi hateka ge bole muri ma. Ngane i made na limana kanena Vure.

Kapiloho 14:3

Ri pesi na ngalana gula hariki, na ngalana e huriki a maki mahuri i va, na ngalana e huriki a nupesi ala 24, ri kalolo a linge karaba. I uka tara viri ge tovoa a linge iea. E huriki ala 144,000, ra ni konamule na malala, ria kunana ri tovoa a linge iea.

Kapiloho 7:17

a vuhuna a Tuna Sipsip, ra i pesi na ngalana gula hariki, ge matakari ria manga a matakari na sipsip. Ge tuli ria, ri gi lakea na naru bele, ra naru na nimahuri. A Vure ge ravunu na matane ria a luhane ria, i uka ma ri gi tangi tabu.”