Mateo 24:7 - A Nitana Vure

⁷ E huriki a kabu na robo tara bara ri vaubi turana kabu na robo tara. E huriki a tara na hariki tara bara ri vaubi turana tara na hariki tara. A pago, a vuruke bara ri bele na tabeke legelege.

Mateo 24:7 Iomraidhean Croise

Lukas 21:11

A maka vuruke dagi, a gilanga dagi, a pago dagi bara ri bele. A maka nivakasiri dagi bara ri bele na hunu, ri vaka­mangenge e huriki.

Apostolo 11:28

A turane ria tara, a rana e Agabus, i dili vona a Hanu Kiripiripi, i pesi rike, i ta propet vona a pago dagi ta ge bele na tabeke lobo e Rom i matakari. A pago iea i bele na tahuna a hariki e Klaudius i matakari o Rom.

Apostolo 2:19

Ga rata a maki ni turutu vona meli na hunu, ga rata a nivakasiri koea na malala: a dara, a kanono, a pokona kanono.

Hibru 12:27

A ngava e “tabu”, i vakasiri manga a Vure ge vakalobo a maki lobo i ratarike. A maki lobo i kara ni gi polu, a Vure ge vakalobo. Muri, a maki lobo i keri ni gi polu, bara ri tabuli.

Kapiloho 6:12

Na tahuna a Tuna Sipsip i lagea a polotarana buluka, a vuruke dagi i bele na malala. A haro i kato manga a gabu. A keva i mapulo i vururu manga a dara.

Kapiloho 6:5

Na tahuna a Tuna Sipsip i lagea a toluna buluka, a longoa a toluna maki mahuri i ta maea, “O valai!” Lakea a mata lakea, a hos katokato i pagitala valai! A bakovi i rike vona i nugu a skel.

Kapiloho 6:6

Lakea a longo a lohona viri i pesi na kurukurune huriki a maki mahuri i va, i ta maea, “A mapana maki ni kani i rike hateka! A lita na vit ni gi kona na mapana bakovi i leho na parava i taku. A lita i tolu na barli ranga, ni gi kona na mapana bakovi i leho na parava i taku. Pali naha ni ratapile a vina oliv, naha ni ratapile a vain!”

Kapiloho 6:8

A mata lakea, a masia a hos havura! A bakovi i rike vona, a rana e Matenga. A viri ni gale A Murine Huriki Ri Mate Pali i muri vona. Ni habi ne rua a nitora ni rabalaki e huriki ala kupo (¼) Ru gu rabalaki ria na bainat, na pago, na gilanga dagi, ru gu rudu a maka maki ri tegi na robo ri gi kara mate ria.