Mateo 24:42 - A Nitana Vure

⁴² I mavonga mu mamata, a vuhuna i uka ma mu lohoka vona a parava ge valai vona e Bakovi Dagi.

Mateo 24:42 Iomraidhean Croise

Mateo 24:36

“I uka tara viri ge lohoka vona a parava, a kilala ge bele vona a maki nga. E huriki a agelo na hunu i uka ma ri lohoka vona a parava iea. A Tuna Vure tara i uka ma i lohoka vona. E Tamana kunana i lohoka vona a parava iea.

Mateo 24:43

Mu luhoia a ngava iea: A tahona ruma bara i lohoka vona a ra kilala ge valai vona a bakovi ni panaho, bara i matapara mavonga, i uka tara viri ge pukea a ruma vona.

Mateo 24:44

I mavonga kunana mu matapara, a vuhuna a Tuna Bakovi bara i valai vakaturutu. Bara i valai na tahuna i uka ma mu luhoi ge valai vona.

Mateo 25:10

“Na tahuna ri vano ri gi kona a karasin, a bakovi i parangi i bele. Lakea e huriki a sirula, ra ri tahoka a karasin a lam ne ria, ri dili turana na habu na parangia. Muri a logo ni tukari.

Mateo 25:13

“I mavonga, mu mamata, a vuhuna i uka ma mu lohoka vona a parava o a kilala e Bakovi Dagi ge valai vona.

Lukas 21:34

“Mu matadoko, nahea mu gu luhoi lege­lege na nimade koea na malala. Nahea mu gu ninu mu gu manga manga, mu gu rata a maka naro hale, ma ge vaka­pae mua a maka rabu nga. Bara mu turutu na tahuna a parava iea i bele vakaturutu, i lakavu mua i manga a hoa i lakavua a kadirovo.

Lukas 21:36

Mu matadoko na parava vakaroro. Mu vasileki bara mu tahoka a nitora ni pologege vona a rabu hale nga, ra ri gi bele, bara mu pesi na matana Tuna Bakovi.”

A Raukea e Paulus i Here Lakea ne Huriki a Rom 13:11

Mu rata mavonga, a vuhuna mu lohoka vona a parava mona. A parava i valai pali ni leho tora, a vuhuna a parava i popote ge valai, e Kristo ge hamule valai, ge korimule hita. I muga, na tahuna si luhoi tora karabea e Kristo, a parava iea i tabukoi. Pali ngane i tabukoi hateka.

1 Korin 16:13

Mu matadoko. Mu pesi tata na niluhoi tora. Naha ni mangenge, mu kinigao.

1 Tesalonika 5:6

I mavonga, nahea si gi mahita manga e huriki ranga. Si gi matapara, si gi matakari kamumu a nilaho ne hita.

1 Petrus 4:7

A malala i tabukoi ge lobo, i mavonga, mu matakari kamumu a ningaru ne mua, mu matadoko, mu gu kara ni vasileki.

1 Petrus 5:8

Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.

Kapiloho 16:15

“Mu longo! Popote ga valai vakaturutu, i manga a panaho! E huriki i uka ma ri mahita, ri matapara, ri rodo a varakia ri gi vivi, a vuhuna i uka ma ri gi bobo. I uka ma ni gi matai a mudune ria.”