Mateo 24:13 - A Nitana Vure

¹³ Pali e rei i pesi tora ge harena na parava i mate vona, a Vure bara i korimulea.

Mateo 24:13 Iomraidhean Croise

Mateo 10:22

E huriki a bakovi a ngatavine bara ri marikoi ne mua, a vuhuna mu ramai iau. Pali e rei a viri i pesi tora mavonga ni ramai iau, a Vure bara i korimulea.

Mateo 24:12

E huriki ala kupo bara ri lobo ni vangaru, a vuhuna e huriki ala kupo bara ri longotaro a vinara.

Mateo 24:6

Bara mu longo a ngava na vabinga, a nita viliha na vabinga. Pali naha ni turutu. A maki nga bara ri bele, pali a nilobona parava i tabana.

Markus 13:13

E huriki lobo bara ri marikoi mua a vuhuna mu ramai iau. Pali e rei i pesi tora ge harena na parava i mate vona, a Vure bara i korimulea.

Lukas 21:19

Mu pesi tata na niluhoi ne mua, bara mu bole a nimahuri.

Lukas 8:15

“A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

1 Korin 1:8

Ge tuhori mua, ge vano ge harena na nilobona parava, mu gu malamala na tahuna a Bakovi Dagi ne hita, e Isu Kristo ge hamule valai.

Hibru 10:39

Pali i uka ma si pesi hoho mule ge ratapile hita a Vure. I uka. Hita si luhoi torea a Vure, lakea ge habi a nimahuri vakaroro ne hita.

Hibru 3:14

Na tahuna si luhoi tora karabea e Kristo, i gale hita e huriki e turana. I mavonga, si gi pesi tata ni luhoi torea, ge vano, ge harena na parava si mate vona. Bara i uka, i uka ma ge gale tabu hita e huriki e turana.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.