Mateo 24:11 - A Nitana Vure

¹¹ E huriki a nitamina propet ala kupo bara ri bele, ri tami e huriki.

Mateo 24:11 Iomraidhean Croise

Mateo 24:12

E huriki ala kupo bara ri lobo ni vangaru, a vuhuna e huriki ala kupo bara ri longotaro a vinara.

Mateo 24:24

a vuhuna e huriki a nitamine kristo, a nitamina propet bara ri bele, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Mateo 24:5

E huriki ala kupo bara ri valai na ragu, bara ri tami e huriki, ri ta maea, ‘Iau e Kristo.’ Lakea bara ri tami e huriki ala kupo.

Mateo 7:15

“Mu matadoko vona e huriki a nitamina propet. Ri tamilalu ni rata a rabu kamumu, pali ri ngaru ni ratapile mua. Ri manga a kaugara i tamilalu ni made madoru, ge lakavu a sipsip.

Markus 13:22

a vuhuna e huriki a nitamina kristo, a nitamina propet bara ri pesi rike, ri rata a maka nivakasiri dagi, a maki dagi ni turutu vona, ri ngaru ni tami e huriki. Bara i kara ria, bara ri tami tabu e huriki a bakovi a ngatavine a Vure i vulaki ria.

Apostolo 20:30

I ranga ne mua bara ri pesi rike, bara ri pulo a nita muholi, ri tovo e huriki na ngava taminga. Ri ngaru e huriki a murimuri ri gi ramai ria kunana.

1 Timoti 4:1

A Hanu Kiripiripi i ta kavakava i ta maea, muri ma, na nilobona parava ta ge valai, i ranga e huriki bara ri ha taroa a Vure. Lakea bara ri vakatubu ni muri mai a ngava taminga i valai ne huriki a hanitu.

2 Petrus 2:1

Hosi e huriki a nitamina propet ri bele ne huriki a Israel. I mavonga kunana, bara ri bele ne mua. Bara ri tamilalu ni tovo a ngava muholi, pali a maki ri tovo, a ngava taminga ni ratapile e huriki. Bara ri marikoi ni takia e Isu ga Bakovi Dagi ne ria, re Bakovi Dagi i konamule ria. I mavonga, a Vure bara i ratapile malaviriri ria.

1 Ioanes 2:18

Mua e huriki e tugu, ngane a nilobo­na parava i tabukoi. Mu longo pali vona a pile ne Kristo ge valai na nilobona parava. Mona e huriki a pile ne Kristo ala kupo ri bele pali. I mavonga, ngane si lohoka vona, a nilobona parava i tabukoi.

1 Ioanes 2:26

A ngava nga, a here virihi e huriki a bakovi ri ngaru ni tami mua.

1 Ioanes 4:1

Mua e huriki a turagu, e huriki a nitamina propet ri laho lae. I mavonga, naha ni longo mai a nitovo ne huriki a bakovi lobo. Mu toni a niluhoi ne ria, ri valai na Vure, o i uka.

Iuda 1:4

I ranga e huriki ri dili turane mua ri tamilalu, i uka ma mu matakilala ria. Ri ngalahere na Vure. A narona Vure, i rata kamumu hita, ri puloa, ri taki ta i kamumu ri gi tabana ni mole lae. Ri marikoi ni taki e Isu Kristo a Bakovi Dagi ne ria. I paru hosi, a Vure i lohoka ne ria, i taki ge ratapile ria.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.