Mateo 23:16 - A Nitana Vure

¹⁶ “Mu ngaru ni vakasiri e huriki na dala, pali mu kepa. A Vure bara i ratapile mua! A ngava mu takia i maea, ‘E rei a viri i ta muholi, i kaba, i kurahia a roho na Vure, a maki tavula. Pali a viri i ta muholi, i kaba, i kurahia a gol i tabuli na roho na Vure, ge ramai a ngava i takia.’

Mateo 23:16 Iomraidhean Croise

Mateo 15:14

Naha ria. Ri ngaru ni vakasiri a dala ne huriki, pali ri manga a kepa. Pali a kepa, bara i toni ni tulia a kepa, rua varago bara ru boru puru na lovo.”

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 23:17

Mu kepa, mu manga! I vai a maki i dagi? A gol tavula, o a roho na Vure ra i ratea a gol i tabuli herehere, ge ne vona a leho na Vure?

Mateo 23:19

Mu kepa! I vai a maki dagi: a nihabi, o a dede ra i ratea a nihabi i vaperesi, ge ne vona a leho na Vure?

Mateo 23:24

Mu ngaru ni vakasiri e huriki na dala, pali mu kepa mua! Mu ramai a maka vinara tavulavula, pali mu mata kepa vona a maka vinara dagi. Mu rata mavonga, mu manga a bakovi i bole talea na kikei na naru vona a lango, pali i mata kepa vona a kamel, i todoa.

Mateo 23:26

Mu kepa! Mu pelekado taro a hatene mua. Muri a narone mua bara i malamala.

Galesia 5:3

A taki tala tabu ne huriki ri ngaru ni gi pala a kuline ria, a ta maea, e huriki ri rata mavonga, ri gi ramai a maka vinara lobo.

Iakop 5:12

Mua e huriki a turagu, a maki dagi hateka i maea: nahea mu gu kaba, mu gu taki a ngava muholi. Naha ni kaba na rana Vure, o na rana maki tara na malala. Pali na tahuna mu taki e “emi” nahea mu gu pulo lae a ngavane mua. Na tahuna mu taki e “uka”, nahea mu gu pulo lae a ngavane mua. Mua bara mu pulo lae a ngavane mua, a Vure bara i pelekado mua.