Mateo 23:15 - A Nitana Vure

¹⁵ “Mua e huriki a Pariseo, a mari na vinara na lotu, mu tabele rua hateka! A Vure bara i ratapile mua! Mu laho lae basi, mu page poloa a dari mu gu tuli a viri ge ramai mua. Pali na tahuna i ramai mua, a rabu hale vona i rangi a rabu hale ne mua, lakea bara i puru turane mua na imperno.

Mateo 23:15 Iomraidhean Croise

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 3:7

Pali na tahuna i matai e huriki a Pariseo, a Sadusi ri valai mai ia ge vahilolo ria, i taki ria, i ta maea, “Mua a tuna mata! E rei i taki mua mu gu ha vona a rongova ne Bakovi Dagi?

Mateo 5:22

Pali iau a taki mua, e rei a viri i tahatea e turana, a Vure bara i pelekadoa. I muholi, e rei a viri i ratapilea a rane turana bara i pesi na kot ne huriki a Iuda. Pali e rei a viri i ta maea, ‘Ioe a manga,’ bara i puru na kanono na imperno.

Mateo 5:29

A matamu tara ge rata ioe go rata a rabu hale, o sigi talea, o vurokia. I kamumu a tabeke tara na kakaimu ge velu, pali a kakaimu lobo i uka ma ni gi voro puru na imperno.

Ioanes 8:44

Mua e huriki e tune Satan, lakea mu ngaru ni muri mai a ningaru vona. Muga na hunu a malala ni ratarike, ia a bakovi ni rabalaki a viri, i koi ni muri mai a ngava muholi, a vuhuna i uka tara ngava muholi ge takia. Na tahuna i tami a viri, i ta na tabelena, a vuhuna ia a marapusi, a tamana marapusianga.

Apostolo 13:10

“Ioe a tuna hanitu! Ioe a pile na maka maki kamumu! O tatami bala, o rata bala a naro hale! Garika go lobo ni rata marogo a dala kiripiripi ne Bakovi Dagi?

Apostolo 13:43

I lobo ngane a vaponga, e huriki ri vapida. Muri e huriki ranga ri ramai rua, e huriki a Iuda turana e huriki i uka ma ria a Iuda, ra ri dili na lotu na Iuda ri muri ne rua. Lakea ru ta turane ria, ru vakatora a niluhoi ne ria, ri gi pesi tora ni luhoi torea a Vure ge rata kamumu ria.

Apostolo 14:19

Pali e huriki a bakovi ranga o Iuda ri valai o Antiok o Ikonium, ri piurike e huriki, ri padia e Paulus na kedo. Ri pahaluhoia ta i mate, lakea ri lalu talea na tanga dagi.

Apostolo 14:2

Pali e huriki a Iuda ranga ri koi ni luhoi e Isu, ri piurike e huriki i uka ma ria a Iuda ri gi tepu e huriki ri luhoia e Kristo.

Apostolo 17:13

Pali na tahuna e huriki a Iuda o Tesalonika ri longoa e Paulus i vara na nitana Vure o Berea, ri sike lokovonga, ri piurike e huriki.

Apostolo 2:10

o Prigia, o Pampilia, o Egipto, na tabeke ne Libia ra tabeke i matakaria e huriki na tanga e Sirene. I ranga ri valai o Rom.

Apostolo 6:5

A ngava iea i nangi kamumu ne huriki. Lakea ri vulakia e Stepan, a bakovi i luhoi tora hateka a Vure, a Hanuna Vure i laho tora turana. Ri vulaki e Stepan, turana e Pilip, e Prokorus, e Nikanor, e Timon, e Paramenas, e Nikolas a bakovi o Antiok i dili na lotu ne huriki a Iuda.

Galesia 4:17

Re huriki a nitamina mari ni tovo nga, ri bibi rike mua. Pali i uka ma ri luhoi ni tuhori mua. Ri ngaru mu gu ngalahere nau, lakea mu gu bibi rike ria.

Galesia 6:12

Re huriki nga, ri ngaru ni tugu mua ni gi pala a kuline mua, a vuhuna ri ngaru e huriki a Iuda ranga ri gi vivi ne ria. Ri koi ni muri mai a ngava na kai tavalavala ne Kristo, a vuhuna ri koi e huriki ri gi vakamadihi ria.

Epesus 2:3

Muga hita ranga si ramai a naro hale manga ria, a rongova na Vure i rike ne hita. Si muri mai a ningaru hale, a niluhoi hale na kakaine hita.