Mateo 22:5 - A Nitana Vure

⁵ “Pali i uka ma ri taratoto. Ri laho viliha. A viri tara i lakea na hania. A viri tara i vano ge rata a leho vona.

Mateo 22:5 Iomraidhean Croise

A Vuhuna 19:14

Lakea e Lot i vano, i ta turana e lahuana rua, ra ru ngaru ni parangi e tuna ngatavine ala rua. I ta maea, “Muru marata malaviriri, muru pagitala vona a tanga iea, a vuhuna e BAKOVI DAGI ta ge ratapilea e Sodoma!” Pali e lahuana rua, ru luhoi ta i ta padikede.

A Vuhuna 25:34

Muri e Iakop i habi ne Esau ranga bret turana a naruna bin, lakea i kani i ninu. Muri i pesi rike i vano. Na naro iea kunana, e Esau i lohopile vona a murina, ia a tabua.

Mateo 13:22

“A vutuna vit i boru langa na barakau i manga a bakovi i longoa a ngava, pali i luhoi hateka a nimadena. A ningaru dagi vona ni bole a mahala i kupo i tamia. A niluhoi nga ru kavitagua a ngava muholi, i uka ma i vakabele a kanena.

Mateo 22:4

“Muri a hariki i rudu tabu e huriki a vora ranga, i ta maea, ‘Mu vano, mu taki e huriki a taki puru ria, ri gi valai. Mu taki ria a bulmakau, a tuna bulmakau gavutuvutu ni poka pali. A rata puru lobo pali a maki ni kani. Mu taki ria ri gi valai na habu na parangia, mi gi kani.’

Mateo 22:6

Pali e huriki ranga ri lakavu e huriki a vora na hariki, ri rata hale ria, ri rabalaki ria.

Ioanes 2:16

Muri i taki e huriki ri vahabi a balu, i ta maea, “Mu bole ha koea a maka balu ne mua! Naha ni ratea a roho ne Tata ge manga a roho na ni vahabi ni vakona a maki!”

Apostolo 2:13

Pali e huriki ranga ri padikede ria, ri ta maea, “Ri ninu hateka a vain karaba, ri manga.”

Apostolo 24:25

E Peliks i mangenge na tahuna i longoa e Paulus i vara na naro malamala, na viri ge matakari kamumu a vilona, na Vure ge pelekado hita muri ma. Lakea i ta maea, “Ge lobo ngane a ngava ngi! O vano ke! Muri ma ga malopi, bara talo rike a ngava vomu o valai tabu.”

A Raukea e Paulus i Here Lakea ne Huriki a Rom 2:4

Naha ni luhoi i kamumu go tabana ni rata a naro hale, a vuhuna a Vure a mari ni rata kamumu hateka e huriki, a mari ni hatenono hateka. Naha ni luhoi mavonga. A Vure i rata kamumu ioe, a vuhuna i ngaru go pulo a vilomu.

A Raukea e Paulus i Here Lakea ne Huriki a Rom 8:6

E huriki ri luhoi kunana a ningaru hale na kakaine ria bara ri vurua. Pali e huriki ri luhoi kunana a ningaru na Hanuna Vure bara ri bole a nimahuri vakaroro, ri made na nivalemu.

2 Timoti 3:4

Bara ri rata hale e huriki a turane ria. I uka ma ri gi luhoi a maki ri ratea, bara ri rata tavula kunana a maki. Bara ri luhoi mule ria, ta ri kamumu hateka. Bara ri ngaru hateka a maka nivivi tavula na malala, i uka ma ri gi ngarua a Vure.

Hibru 2:3

Pali a Velenga Kamumu, e Isu a Bakovi Dagi i habia ne hita. Muri e huriki ri longoa a ngavana ri taki hita vona a velenga iea i muholi. Pali si gi lohopilea a Velenga Kamumu iea, na Vure ge korimule hita, si gi ha navai? A Vure bara i vakamadihi hale hita.

2 Petrus 2:3

Ri raha, bara ri rata a ngava taminga ni bole a moni ne mua. A Vure i taki hosi pali ge pelekado ria, ge habi a nimadihi ne ria. I uka ma i tabaka, bara ri vurua.