Mateo 21:41 - A Nitana Vure

⁴¹ Ri koli ri ta maea, “Bara i rabalaki e huriki a bakovi hale nga. Muri bara i habia ne huriki a bakovi na leho ranga a hania na vain vona. Pali na tahuna na nimirio, bara ri habi mule na tahona malala ranga kanena vain.”

Mateo 21:41 Iomraidhean Croise

Mateo 21:34

I tabukoi ngane a keva ni mirio a vain, lakea i rudu e huriki a vora vona, ri gi bole ne huriki a mari ni leho a kanena vain.

Mateo 21:40

“Mu luhoi navai? A tahona hania na vain, ge rata navai e huriki a bakovi na leho nga na tahuna i hamule valai?”

Mateo 21:43

I mavonga a taki mua, a harikianga na Vure bara ni bole hamule ne mua, bara ni habi ne huriki ri rata a maki a Vure i ngaru na harikianga vona.

Mateo 3:12

Ngane i tabukoi bara i kalipida e huriki a bakovi kamumu, a bakovi hale, i manga a bakovi i leho na hania na vit i kalipida a vit, a luluna. Bara i bole e huriki a bakovi kamumu, i ru ria na tanga kamumu, i manga a bakovi i leho na hania i ru kadolu a vit pololilo na roho na vit. Pali bara i bole e huriki a bakovi hale, i voro rike ria na kanono, i manga a bakovi i leho na hania na vit i bole a luluna vit, i voro rike na kanono. A kanono iea, i uka a nilobona.”

Lukas 20:16

Bara i valai, i rabalaki e huriki a bakovi nga, i bole mulea a hania na vain, i habi polo tabua ne huriki a bakovi ranga.” Na tahuna ri longoa a nivakakika iea ri ta maea, “A Vure, nahea ge rata mavonga!”

Apostolo 15:7

Ri vagege vona, muri e Petrus i pesi rike, i ta maea, “Mua o huriki a turagu, mu lohoka vona hosi a Vure i vulaki tala iau ne mua, ga vara na Velenga Kamumu ne huriki i uka ma ria a Iuda, ri gi longoa, ri gi luhoi torea.

Apostolo 18:6

Pali e huriki a Iuda ri hehea, ri harogia e Paulus. Lakea i madihi a hatena, i kurudu pasi a habulo na varakia vona, i taki ria, “Mua bara mu velu, naha ni padi virihi iau na ngava! A maki mua. Ngane ga vakalongo a Velenga Kamumu ne huriki i uka ma ria a Iuda.”

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

Apostolo 28:8

E tamana i giloa i mahita na kiri, a vuhuna i rongo a kaina, i koko pereo. Lakea e Paulus i gosia, i vasileki, i ru langa a limana vona, i vakamahuria.

1 Tesalonika 2:16

a vuhuna ri ngaru ni ta pupukari mateu nahea mete ge vakalongo a Velenga Kamumu ne mua e huriki i uka ma mua a Iuda. Ri koi mu gu bole a nimahuri vakaroro. Ra i mavonga, a naro hale ne huriki a Iuda nga ri vakalipopo ri kupo hateka. Ngane a Vure i madihi a hatena pali ne ria, i pelekado ria.

Hibru 12:25

Nahea mu gu longotaroa a lohona Vure. Hosi e Moses, a bakovi na malala, i patutu mule e huriki a Israel. Ri longotaroa a ngavana, muri ri keri ni lelea a rongova na Vure. Pali hita, a Vure meli na hunu i patutu mule hita. I mavonga, nahea si gi longotaro, a vuhuna bara si keri liu ni lelea a rongova na Vure.

Hibru 2:3

Pali a Velenga Kamumu, e Isu a Bakovi Dagi i habia ne hita. Muri e huriki ri longoa a ngavana ri taki hita vona a velenga iea i muholi. Pali si gi lohopilea a Velenga Kamumu iea, na Vure ge korimule hita, si gi ha navai? A Vure bara i vakamadihi hale hita.