Mateo 21:3 - A Nitana Vure

³ A viri tara ge nana marua, muru takia e Bakovi Dagi i tahoka a leho ne rua, lakea bara i vakaru valai malaviriri kunana.”

Mateo 21:3 Iomraidhean Croise

Mateo 21:2

i taki rua, “Muru muga lakea na tanga na ngalane marua. Na tahuna muru bele, bara muru masia a donki ni kolotata turana tuna. Muru puga rua, muru lalu valai nau.

Mateo 21:4

A maki iea i bele, ge bele muholi a ngavana propet hosi, i ta maea,

Ioanes 17:2

a vuhuna o habia pali nau a nitora ga matakari e huriki lobo, ga habi a nimahuri vakaroro ne huriki o habi nau pali.

Ioanes 3:35

E Tamana i ngaru hatekea na hatena e Tuna, lakea i ru a maki lobo na limana.

Apostolo 17:25

I uka ma i bala vona tara maki, si gi rata na limane hita ranga maki, si gi habi vona. Ia kunana i habi a nimahuri, a bangona turana maki lobo ne huriki.

2 Korin 8:16

Iau a kavurikea a Vure, a vuhuna i ratea e Titus i ngaru hateka mua, i manga iau a ngaru hateka mua.

2 Korin 8:9

Mu lohoka vona a naro kamumu ne Isu Kristo a Bakovi Dagi ne hita. Muga ia a bakovi na mahala, i tahoka a maki lobo. Pali i luhoi mua, i taparaki a maki lobo nga, i bele manga a matasia. I rata mavonga, mu gu bele manga a bakovi na mahala, a mahala lobo na Vure ge ne vone mua.

Iakop 1:17

A maki kamumu lobo si bole, a maki kamumu lobo ni habi tavula ne hita, ri valai ne Tamane hita na hunu, ra viri i ratarike a haro, a keva, a maka hada ri para polomeli na hunu. A maka nipara nga, ri para dagi na parava ranga, ri para kiroko na parava ranga. Pali e Tamane hita i uka ma i mavonga. I uka ma i pulo lae a vilona.