Mateo 21:22 - A Nitana Vure

²² Mua bara mu luhoi tora, bara ni habi ne mua a maki mu vasileki vona.”

Mateo 21:22 Iomraidhean Croise

Mateo 18:19

“A taki tabu mua, e rei ne mua ala rua koea na malala ru valongo mai a ngava, ru vasileki, e Tata na hunu bara i longo mai rua.

Mateo 7:11

Mua e huriki a bakovi hale, pali mu matakari kamumu e huriki e tune mua. E Tamane mua meli na hunu i kamumu liu. Pali i navai mu luhoia i uka ma ge habi a maki kamumu ne huriki ri nanea?

Mateo 7:7

“Mu nana a maki mu ngaru, lakea a Vure bara i habi ne mua. Mu matakana a maki mu ngaru, lakea a Vure bara i kori mua mu gu bole. Mu tutulidi, a Vure bara i talea a logo, bara mu dili.

Markus 11:24

I mavonga, a taki muholi mua, na tahuna mu vasileki, a ra maki mu nana vona, mu luhoi tora manga mu bole pali, bara mu bole.

Ioanes 14:13

A ra maki mu nana iau vona na ragu, bara rata. Na naro iea kunana, iau a Tuna Vure, ga ratea a rane Tata ge bele dagi.

Ioanes 15:7

Na tahuna mu rihi iau, mu muri mai a ngavagu, bara mu nanea e Tata na ningaru ne mua, bara i longo.

Ioanes 16:24

I valai i harena mona, i uka ma mu nana vona ma na ragu tara maki. Mu nana, bara mu bole, lakea bara mu vivi hateka.

Iakop 5:16

Ra i mavonga, a ngaru mua mu gu vatakitala a naro hale ne mua. Mu vasileki ne huriki e turane mua, a Vure ge vakamahuri ria. Na tahuna a bakovi malamala i vasileki, a nivasileki vona i tahoka a nitora dagi, i tahoka a kanena.

1 Ioanes 3:22

A ra maki si takia vona, bara i habi, a vuhuna si longototo a vinara vona, si rata a naro i vivi vona.