Mateo 21:12 - A Nitana Vure

¹² Ngane e Isu i dili na roho na Vure o Ierusalem, i lili tala e huriki ri vakona, ri vahabi a maki. I pulo ngalatudu a dede ne huriki ri vangoli a moni, e huriki ri vahabi a balu.

Mateo 21:12 Iomraidhean Croise

A Nimariu 30:13

E huriki ni here a rane ria ri gi habi a moni silva ge polotara na gram, ge a nihabi ne BAKOVI DAGI.

E Levi 1:14

“Bara a viri i ngaru ni habi a kadirovo ge a nihabi gutu-vuro ne BAKOVI DAGI, ge bolea tara balu, ge habia na prister.

E Levi 12:6

“Na tahuna a maka parava ni vaka­matapado i lobo, a ngatavine ge habi na prister na matana Kape na Vaponga tara tuna sipsip, a pida vona i taku, ge a nihabi ni gutu-vuro. Ge habi tabua a balu, ge a nihabi na naro hale.

E Levi 12:8

Pali a ngatavine iea ge uka a moni ni kona a tuna sipsip, ge bole valai a balu ge rua. A balu tara ne vona a nihabi gutu-vuro. A balu tara ne vona a nihabi na naro hale. A prister ge habi ne BAKOVI DAGI a balu nga i rua, ge kavitagua a ngatavine. Muri a ngatavine bara i matapado na matane BAKOVI DAGI.”

E Levi 14:22

Ge bole valai a balu ge rua, a vuhuna i uka moni ni kona a sipsip. A balu muga, ge a nihabi na naro hale, a balu muri ge a nihabi ni gutu-vuro.

E Levi 14:30

A prister ge bole a balu nga i rua i bole valai a bakovi ge a nihabi,

E Levi 15:14

Na polotoluna parava ge bole a balu ge rua, ge lakea na Kape na Vaponga ge habi na prister.

E Levi 15:29

Na polotoluna parava ge bole a balu ge rua, ge bole lakea na matana Kape na Vaponga, ge habi na prister.

E Levi 5:11

“Pali na tahuna a bakovi ge uka a moni ni kona a balu ge rua, ge bole vilia a kilo na plaoa ge taku, ne vona a naro hale i ratea. Nahea ge ru a namona oliv o ge ru a havu mangisipa vona, a vuhuna ra plaoa iea a nihabi na naro hale.

E Levi 5:7

“Pali ia ge uka a moni ni kona a sipsip, ge bole a balu ge rua ge bole valai ne BAKOVI DAGI, ge vakalobo a maregoa vona. A balu tara ge a nihabi ni puga vuroki a naro hale, a balu tara ge a nihabi ni gutu-vuro.

Markus 11:11

E Isu i bele o Ierusalem, muri i lakea na roho na Vure. I laho vonga, i matai a maki lobo. Muri i tuli a murimuri vona ala ravulu a polona i rua, ri lakea o Betani a vuhuna i malunga liu pali a hini.

Lukas 2:24

E Maria e Iosep ru habi a nihabi i muri mai a vinara ne Bakovi Dagi ni here puru, i maea, “A balu ge rua, o a tuna balu ge rua.”

Ioanes 2:13

Na tahuna a Habu na Nipagepolo ne huriki a Iuda i tabukoi, lakea e Isu i sike o Ierusalem.