Mateo 20:21 - A Nitana Vure

²¹ Lakea e Isu i nanea, “A ra o ngarua?” I koli, i ta maea, “A ngaru e tugu nga ru gu made turamu na harikianga vomu. Ge made na kanemu tara, na maurimu tara.”

Mateo 20:21 Iomraidhean Croise

Mateo 18:1

Muri e huriki a murimuri ri valai ne Isu, ri nanea, “E rei ge dagi hateka na harikianga na hunu?”

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Mateo 20:22

E Isu i koli, i ta maea, “I uka ma moto lohoka vona a maki moto nana vona. A nimadihi i tabukoi ga bolea, i kara marua muru gu kalohoa, o i uka?” Ru koli e maki tari rua, ru ta maea, “I kara maria.”

Mateo 20:32

Lakea e Isu i pesi tata, i gale valai rua, i ta maea, “A ra muru ngarua?”

Markus 10:51

Lakea e Isu i nanea, “A ra o ngarua ga ratea?” A kepa i ta maea, “Mari ni tovo, a ngaru ni matapara.”

Markus 16:19

E Isu a Bakovi Dagi i vara lobo e huriki a murimuri vona. Muri ni bole sike na hunu i made turana a Vure, na limana a kanena.

Markus 6:22

E tune Herodias a ngatavine i dili, i raulo, i rata e Herod turana e huriki ri valai na habu vona ri vivi. Lakea a hariki i takia a koma ngatavine, “A ra maki o ngarua bara habia vomu.”

Lukas 18:41

“A ra o ngarua ga ratea?” I koli i ta maea, “Bakovi Dagi, a ngaru ni matapara.”

Lukas 19:11

E huriki ri talangaki a ngava i taki, lakea e Isu i taki tabua ne ria tara nita vaka­kika, a vuhuna i valai tabukoi pali o Ierusalem, e huriki ri luhoi ta a harikianga na Vure i popote ge valai.

Lukas 22:24

Muri ri vahehe lae ne e rei ne ria ge muga ne ria lobo.

Ioanes 15:7

Na tahuna mu rihi iau, mu muri mai a ngavagu, bara mu nanea e Tata na ningaru ne mua, bara i longo.

Apostolo 1:6

Na parava tara ri vapopo, lakea e huriki a apostolo ri nanea, “Bakovi Dagi, ngane go ratea e Israel ge matakari tabu e huriki a robo ranga?”

A Raukea e Paulus i Here Lakea ne Huriki a Rom 12:10

Mu vangaru ge manga a kabu i taku ri vangaru. Mu varangi ni vatogo.

A Raukea e Paulus i Here Lakea ne Huriki a Rom 8:34

I uka tara viri ge taki hita si gi bole a nimadihi na naro hale ne hita, a vuhuna e Isu Kristo i mate. I uka ma i mate kunana. I pesi rike tabu na matenga. Ngane i made na limana a kanena na Vure, i takia a Vure ge tuhori hita.

Kolosi 3:1

A Vure i vakamahuri mua pali turane Kristo. I mavonga, mu luhoi kunana a maki na hunu. E Kristo i made vonga na limana kanena Vure.