Mateo 20:1 - A Nitana Vure

¹ “A harikianga na hunu i manga a tahona malala i vuho tala ge matakana e huriki a vora ri gi leho na hania na vain vona.

Mateo 20:1 Iomraidhean Croise

Mateo 13:24

E Isu i taki tabua tara nita vakakika, “A harikianga na hunu i manga a bakovi i varo a vutuna vit na hania.

Mateo 13:31

E Isu i taki tabua tara nivakakika, i ta maea “A harikianga na hunu i manga a vutuna mastad, ni varo na hania.

Mateo 13:33

Muri e Isu i taki tabua tara nivaka­kika, i ta maea, “A harikianga na hunu i manga a is i bolea a ngatavine i pulo turana kabukuna plaoa, muri i pugaga i dagi.”

Mateo 13:47

“A harikianga na hunu i manga a vuko ni ru na darilomu, i koro vona a manu legelege.

Mateo 20:2

I taki ria ge kona ria na denarius i taku. Ri longo, lakea i rudu ria ri gi leho na hania na vain.

Mateo 21:28

Muri e Isu i taki e huriki a prister dagi, e huriki a bakovi dagi nga, i ta maea, “Mu luhoi navai? A bakovi tara i tahoka e tuna bakovi ala rua. I takia a tabua i ta maea, ‘Tugu, mona o vano o leho na hania na vain.’

Mateo 22:2

“A harikianga na hunu i manga a hariki i rata a habu na parangia ne tuna a bakovi.

Mateo 23:37

“Ierusalem, Ierusalem! Mu rabalaki e huriki a propet, mu rabalaki na kedo e huriki a rudu valai ne mua. Balaka kupo a ngaru ni kalipopo palupu mua, i manga a kinana kureko i kavitagu a maka tuna na karapana, ga matakari mua. Pali mu koi mua.

Mateo 25:1

“Na tahuna iea a harikianga na hunu bara i manga a sirula ala ravulu ri bole a lam ne ria, ri vano ri gi tagui a bakovi i parangi karaba.

Mateo 25:14

“Mu mamata, a vuhuna na tahuna a Tuna Bakovi ge hamule valai, bara i manga a bakovi tara i havai. I gale palupu e huriki a vora vona, i vakasiri tou vona a mahala vona to go matakari.

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Markus 13:34

I manga a bakovi i laho basi. I pea a ruma vona i taki e huriki a vora vona ri gi matakaria. I vaveru ne ria a maka leho. I takia a bakovi i matakaria a mataruma ge mamata.

Ioanes 15:1

“Iau kunana a manga a kai a vain muholi. E Tata i manga a mari ni leho na hania na vain.

1 Korin 15:58

I mavonga, o huriki a turagu, ra a ngaru hateka, mu pesi tora, mu paha taga. Mu habi vakaroro a hatene mua na leho ne Bakovi Dagi, a vuhuna mu lohoka vona, a leho mu ratea ne Bakovi Dagi, i uka ma ge velu tavula.

Hibru 13:21

ge habi ne mua a maka maki ge tuhori mua mu gu rata a maki lobo i ngaru mu gu rata. I rata pololilo ne hita tara maki i vivi vona na nitora ne Isu Kristo. Si gi kavurikea, si gi vakabagetua ngane, na parava vakaroro. I muholi.