Mateo 2:23 - A Nitana Vure

²³ To vano to made o Nasaret. Ngane i bele muholi a ngava na propet i ta maea, “Bara ni gale ia a koma o Nasaret.”

Mateo 2:23 Iomraidhean Croise

Ni Gi 6:13

“Na tahuna a bakovi i hudotalea pali a nita muholi vona, ni gi bole ge pesi tabukoi na mataroho na Kape na Vaponga.

Mateo 1:22

A maki nga ri bele, ge bele muholi a ngavane Bakovi Dagi i taki e huriki a propet vona hosi, i ta maea,

Mateo 21:11

Lakea e huriki ri laho turana ri koli, ri ta maea, “Ra bakovi iea e Isu, a propet i valai o Nasaret, na tabeke ne Galili.”

Mateo 26:71

Muri e Petrus i vuru tala na logo, lakea a vora ngatavine tara i masia, i taki e huriki ri mamade vonga, “Ra bakovi iea i laho turane Isu, ra bakovi o Nasaret.”

Markus 1:24

“Isu, ioe a bakovi o Nasaret, o valai go rata navai mia? O valai ni ratapile mia? Iau a lohoka vomu. Ioe a Viri Malamala na Vure.”

Markus 1:9

Na parava tara, e Isu i malaga na tanga e Nasaret, na tabeke ne Galili, i lakea na naru e Iordan. Na tahuna i bele vonga, e Ioanes i vahiloloa.

Lukas 1:26

Na tahuna e Elisabet i singou na keva i lima pali, a Vure i rudua e Gabriel, a agelo vona, ge lakea o Nasaret, na tabeke ne Galili.

Lukas 18:37

Lakea e huriki ri takia ri ta maea, “E Isu o Nasaret i laho polo ngane.”

Lukas 2:39

Na tahuna e Iosep e Maria ru rata lobo a naro na vinara ne Bakovi Dagi i taki, to hamule lakea o Galili, na tanga ne tou, e Nasaret.

Ioanes 18:5

Ri koli, ri ta maea, “E Isu o Nasaret.” E Isu i ta rike, i ta maea, “Iau kunana.” (E Iudas, ra bakovi i lohopile e Isu, i pesi turane ria vonga.)

Ioanes 18:7

Lakea e Isu i nana tabu, “E rei a viri mu virokanea?” Ri ta maea ria, “E Isu o Nasaret.”

Ioanes 19:19

Muri e Pilato i herea a nita vaka­lohoka, i habia na bakovi tara, i topia na kai tavalavala. A nita ni here i maea, “E Isu o Nasaret, a Hariki ne Huriki a Iuda.”

Apostolo 2:22

“Mua o huriki a bakovi o Israel, mu longo valai. E Isu o Nasaret, a Vure i rata na limana a maka nivakasiri dagi i kupo na matane mua, i vakasiri mua ne Isu i uka ma i tatami. Mu lohoka vona.

Apostolo 24:5

Muri i padi virihia na ngava e Paulus, i ta maea, “A bakovi iea, i vakapae hateka. I piurike e huriki a Iuda na tanga lobo. I muga ne huriki ni gale a tara ne Nasaret.