Mateo 2:13 - A Nitana Vure

¹³ To vano pali a bakovi dagi nga, lakea a agelo ne Bakovi Dagi i bele ne Iosep na vurena, i ta maea, “O pesi rike turana koma, e kinana, moto ha lakea o Egipto. Moto made vonga. Muri bara taki matou, moto hamule valai. E Herod i matakanea a koma iea, ta ge rabalakia.”

Mateo 2:13 Iomraidhean Croise

A Nimariu 1:22

Lakea e Parao i vakuku e huriki a Egipto, i ta maea, “Mu bole e huriki a koma bakovi na Hibru, mu voro puru na naru dagi e Nail, ri gi pasiri. Pali naha ni rabalaki a koma ngatavine.”

Mateo 1:20

I tabana ni luhoi ni rata mavonga, lakea a agelo ne Bakovi Dagi i bele vona na vurena, i ta maea, “Iosep, hamone Davit, naha ni mangenge ni bolena e Maria ge girihimu, a vuhuna a maki i bele vona, i valai na Hanu Kiripiripi.

Mateo 10:23

Na tahuna a tanga tara i vakamadihi mua, mu ha taroa, mu lakea na tanga tara. A taki muholi mua, i uka ma mu gu paha lobo ma a tanga o Israel, a Tuna Bakovi bara i valai pali.

Mateo 2:12

A Vure i ta pupukari ne tou na vurena, nahea to go hamule maia e Herod. Lakea to ramai a dala tara, to hamule lakea na robo ne tou.

Mateo 2:14

Lakea i pesi rike na rodo, i vango a koma rua e kinana, to ha lakea o Egipto.

Mateo 2:16

Na tahuna e huriki a mosi nga i uka ma ri hamule valai ne Herod, i madihi a hatena, a vuhuna i matakilaka vona ri tamia. I vakuku e huriki a nugumaheto ri gi rabalaki e huriki a koma bakovi o Betlehem, na tabeke tabukoi vonga, a pida ne ria i polotano na pida i rua. I lohoka vona a pida ne Isu bara i polotano na pida i rua, a vuhuna i longo a nitane huriki a bakovi na nirike na haro.

Mateo 2:22

Pali i mangenge ni lakea o Iudea, a vuhuna i longoa e Arkelaus i bole a murine tamana, e Herod, i matakari a tabeke ne Iudea. A agelo ne Bakovi Dagi i bele ne Iosep na vurena, i vakalongoa, i mavonga to lakea na tabeke ne Galili.

Apostolo 10:22

Lakea to koli, to ta maea, “E Kornelius, a ubu na tara na nugumaheto ala 100, i rudu mateu mete valai. Ia a bakovi malamala, i togoa a Vure. E huriki a Iuda lobo ri ngarua. A agelo na Vure i takia ge taki ioe, go lakea na ruma vona, ge longo ranga ngava go taki.”

Apostolo 10:7

Na tahuna a agelo i vano pali, e Kornelius i gale a vora vona ala rua turana nugumaheto. A nugumaheto iea, i made tabukoi ne Kornelius vakaroro, i matakaria. I luhoi torea a Vure.

Apostolo 12:11

Na tahuna e Petrus i matakilaka vona a maki i bele vona, i ta maea, “Ngane a lohoka vona e Bakovi Dagi i rudua a agelo vona i valai, i korimule iau na limane Herod, i korimule iau na maka naro e huriki a Iuda ri luhoi ta ri gi rata virihi iau vona.”

Apostolo 12:7

A agelo ne Bakovi Dagi i bele vakaturutu tabukoi ne Petrus, a nipara dagi i parai a bavi. A agelo i ubia na kamagane Petrus, i vangoa, i ta maea, “O pesi rike malaviriri.” Lakea a sen i maparu tala na limane Petrus.

Apostolo 16:36

Lakea a tagari na bavi i takia e Paulus, “A mari ni pelekado i taki muru gu pagitala. Ngane muru malaga, muru vano na nivalemu.”

Apostolo 5:19

Pali na rodo a agelo ne Bakovi Dagi i talea a logo na bavi, i tuli tala ria. Lakea i taki ria,

Apostolo 7:19

A hariki iea, i tami e huriki a viri ne hita, i rata hale ria. I vakuku ria ri gi vuroki na naru e huriki a koma karaba, ri gi mate.

Iosua 3:13

E huriki a prister ri gi kalohoa a Tava na Ngava Dagi ne BAKOVI DAGI na tabeke lobo na malala. Na tahuna ri tovo puru a vahane ria na naru, a naru bara i kere a hini ri laho polo vona, a vuhuna ra naru i tua valai na matana, bara i roga mule, i lolo.”

Iosua 3:17

E huriki a Israel ri laho polo na hini kere. E huriki a prister ri kalohoa a Tava na Ngava Dagi ne BAKOVI DAGI, ri pesi mavonga na hini kere na kurukuruna a naru e Iordan, i harena ne huriki ri laho polo lobo.

Iosua 4:10

E huriki a prister ri pesi na kuru­kurune Iordan i harena na tahuna e Iosua i rata lobo a maka maki e BAKOVI DAGI i vakuku ia vona, i ramaia a ngava ne Moses. E huriki ri malaviriri kunana ri bele na gagana tara.

Iosua 4:18

Na tahuna e huriki a prister ri kaloho a Tava na Ngava Dagi ne BAKOVI DAGI ri bele pali na gagana tara, a naru e Iordan i tuka, i tua hateka tabu.

Kapiloho 12:14

Pali a ngatavine ni habi a karapana i rua, i manga a karapana loha dagi, ge bebe ha na Mata Dagi, ge lakea na tabeke i ngeki, na tabeke ni gi matakari ia vona na pida i tolu, a kalavana.

Kapiloho 12:4

A maka hada ni nagi na tabeke i tolu, lakea a kuna mata i kovo pasi a tabekena hada i taku, ri boru puru na malala. Ra mata iea, i tabuli na ngalana ngatavine, ra i pahea a koma. I davea a ngatavine ge poda, a vuhuna i ngaru ni kania a koma.

Kapiloho 12:6

Lakea a ngatavine i ha lakea na tabeke a Vure i kado puru pali vona, na tabeke i ngeki. I made vonga, ni gi matakari na parava ge 1,260.