Mateo 19:16 - A Nitana Vure

¹⁶ Muri a bakovi tara i valai ne Isu, i nanea, “Mari ni tovo, a ra maki kamumu ga ratea ga bole a nimahuri vakaroro?”

Mateo 19:16 Iomraidhean Croise

Mateo 19:15

I ru langa ne huriki a koma a limana, i vakabagetu ria. Muri i malaga, i vano.

Mateo 19:26

Lakea e Isu i mata lakea ne ria, i ta maea, “A maki iea, e huriki a bakovi ri keria. Pali a Vure, i uka tara maki ge keria.”

Mateo 19:29

E rei a viri i luhoi tora iau, lakea i pe a ruma vona, i pe e huriki e turana, e kurabana, e tamana, e tuna, a hania vona, iau bara koli, bara ri bole balaka kupo tabu a maki nga, turana nimahuri vakaroro.

Mateo 25:46

“Muri bara ri vano, ri bole a nimadhi vakaroro. Pali e huriki ri malamala bara ri bole a nimahuri vakaroro.”

Ioanes 10:28

A habi ne ria a nima­huri vakaroro, i uka ma ri gi mate. I uka tara viri ge kini paru ria na limagu.

Ioanes 12:25

E rei a viri i ngaru hateka a nimadena, bara i mate. Pali e rei a viri i marikoi a nimadena koea na malala, bara i mahuri vakaroro muri ma.

Ioanes 3:15

Lakea e rei a viri i luhoi tora ia bara i bole a nimahuri vakaroro.

Ioanes 4:14

Pali e huriki ri ninua a naru iau a habi, i uka ma ri gi marohu tabu. Muholi hateka a naru iau a habi bara i bele manga a narubele i tua pololilo ne ria, i habi a nimahuri vaka­roro ne ria.”

Ioanes 5:39

Mu gi vakaroro a Hinere, a vuhuna mu luhoi ta ge habi a nimahuri vakaroro ne mua. A maka ngava na Hinere i vakalongo mua ne nau,

Ioanes 6:47

A taki muholi mua, a viri i luhoi tora ia bara i bole a nimahuri vakaroro.

Ioanes 6:68

Lakea e Simon Petrus i koli, i ta maea, “Bakovi Dagi e rei tabu mi gi ramaia? Ioe kikeri o tahoka a ngava na nimahuri vakaroro.

Apostolo 16:30

Muri i tuli tala rua, i nana, “Marua a bakovi dagi nau, a ra maki ga ratea ga bole a nimahuri vakaroro?”

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

A Raukea e Paulus i Here Lakea ne Huriki a Rom 5:21

I rata mavonga, a vuhuna a naro hale i matakari hita. A nitora na naro hale, a matenga. Na naro iea kunana, ngane a naro kamumu na Vure ge matakari hita. A nitora vona ni matakari hita, ra naro a Vure i gale hita si malamala na matana, si bole a nimahuri vakaroro na tahuna si luhoi torea e Isu Kristo, a Bakovi Dagi ne hita.

1 Timoti 1:16

Iau a bakovi hale hateka. Pali e Isu Kristo i dodo iau ge vakasiri a naro muholi vona ni hatenono na rabu hale ne huriki. Lakea e huriki ranga bara ri masia, ri luhoi torea, ri bole a nimahuri vakaroro.

1 Timoti 6:12

O toni a bulumu ni nunu hateka turane Kristo. Muri ma bara o mulangi, o bole a nimahuri vakaroro. Ra nimahuri vakaroro iea, a Vure i gale ioe go bolea hosi na tahuna o taki tala na matane huriki a bakovi a ngatavine, ne ioe o luhoi torea e Kristo.

1 Timoti 6:19

Na tahuna ri rata mavonga, bara ri ru kadolu a mahala muholi na hunu ge tuhori ria ma, bara ri bole a nimahuri muholi.

Titus 3:7

I rata mavonga si gi pasimata ni bole a nimahuri vakaroro, a vuhuna i rata kamumu hita, i rata hita si malamala na matana.

1 Ioanes 1:2

A Nimahuri iea i bele kavakava, mi masia. Mi vakalongo mua vona a Nimahuri Vakaroro iea, ra i made muga turana e Tamana, muri i bele kavakava ne mia.

1 Ioanes 2:25

E Isu i ta muholi ne hita ge habi ne hita a nimahuri vakaroro.

1 Ioanes 5:20

A Tuna Vure i valai, i vakapalala a gine hita, si gi lohoka vona a Viri Muholi. Si rihia e Tuna, re Isu Kristo, a Bakovi Muholi. Ia a Vure Muholi. Ia a vuhuna a nimahuri vakaroro.

Iuda 1:21

Mu luhoi vakaroro a hini a Vure i ngaru hateka mua. Mu davea a nidodo ne Isu Kristo, a Bakovi Dagi ne hita. A nidodo vona i habi ne hita a nimahuri vakaroro.