Mateo 18:9 - A Nitana Vure

⁹ Pali a matamu ge rata ioe go rata a naro hale, o sigi talea, o vurokia, ma ni gi voro puru ioe na kanono na imperno turana matamu i rua. I kamumu go tahoka a matamu i taku kunana, o bole a nimahuri vakaroro.

Mateo 18:9 Iomraidhean Croise

Mateo 16:26

Ge a ra a viri ge tahoka a mahala lobo na malala, pali ge velu a hanuna? A mahala lobo nga, i uka ma ge korimulea.

Mateo 18:8

A limamu o a vahamu ge rata ioe go rata a rabu hale, o palakudua, o vurokia. Ma ni gi voro puru ioe na kanono i nono vakaroro turana vahamu i rua, a limamu i rua. I kamumu bara o tahoka a limamu, a vahamu i taku kunana, o bole a nimahuri vakaroro.

Mateo 19:17

E Isu i koli, i ta maea, “I navai o nana iau na a ra maki i kamumu? A viri i kamumu i ala taku kunana. Ioe bara o ngaru ni bole a nimahuri vakaroro, o muri mai a vinara na Vure i ravulu.”

Mateo 5:22

Pali iau a taki mua, e rei a viri i tahatea e turana, a Vure bara i pelekadoa. I muholi, e rei a viri i ratapilea a rane turana bara i pesi na kot ne huriki a Iuda. Pali e rei a viri i ta maea, ‘Ioe a manga,’ bara i puru na kanono na imperno.

Mateo 5:29

A matamu tara ge rata ioe go rata a rabu hale, o sigi talea, o vurokia. I kamumu a tabeke tara na kakaimu ge velu, pali a kakaimu lobo i uka ma ni gi voro puru na imperno.

Markus 9:47

Pali a matamu tara ge rata ioe go rata a rabu hale, o sigi talea, ma ni gi voro puru ioe na kanono turana matamu i rua. I kamumu bara o tahoka a matamu i taku kunana, o dili na harikianga na Vure.

Apostolo 14:22

ru vakatora a niluhoi ne huriki a murimuri vonga ri gi pesi tora na niluhoi torea e Kristo, ru ta maea, “Bara si bole a nimadihi i kupo muga ni dili na harikianga na Vure.”

Hibru 4:11

Si gi toni a bulune hita ni dili na nimalo iea, lakea i uka tara viri ge longotaroa a nita na Vure, ge velu.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.