Mateo 18:8 - A Nitana Vure

⁸ A limamu o a vahamu ge rata ioe go rata a rabu hale, o palakudua, o vurokia. Ma ni gi voro puru ioe na kanono i nono vakaroro turana vahamu i rua, a limamu i rua. I kamumu bara o tahoka a limamu, a vahamu i taku kunana, o bole a nimahuri vakaroro.

Mateo 18:8 Iomraidhean Croise

Mateo 17:27

Pali nahea ri gi maruhu e huriki nga. O vano, o lalu a manu na darilomu. A manu o lalu mugea, o pidea a ngavana, o bole talea a kina ge taku. Muri o vano, o kona a takis ne tarua.

Mateo 25:41

“Muri bara i taki e huriki ri pesi na limana a maurina, i ta maea, ‘Mu ha nau. A Vure i ruduraha mua. Mu vano, mu puru na kanono i nono vakaroro. Ra kanono iea, ni tunu puru ge puru vona e Satan turana e huriki a agelo vona, re huriki a hanitu.

Mateo 25:46

“Muri bara ri vano, ri bole a nimadhi vakaroro. Pali e huriki ri malamala bara ri bole a nimahuri vakaroro.”

Lukas 14:33

Mua ranga, mu luhoi kado taro. E rei a viri i uka ma i lohopile a maki lobo vona, i uka ma i kara ge ia a murimuri nau.

Lukas 16:24

Lakea i gale tala, i ta maea, ‘O tata Abraham, o dodo iau, o rudu vilia e Lasarus ge lutu a kukulimana na naru, ge vakamalupea a tabelegu, a vuhuna a bole hateka a nimadihi koea na kanono.’

A Raukea e Paulus i Here Lakea ne Huriki a Rom 13:12

A rodo i popote ge palala. I mavonga, si gi lobo ni rata a naro na uvo, si gi rata a naro kamumu i manga e huriki ri made na hini i palala.

Kapiloho 14:10

bara ri ninu vona a naru vagole na rongova na Vure, i uka ma ge kiroko. A kanono, a viku ru gu ratapile ria na matane huriki a agelo na Vure, na matane Tuna Sipsip.

Kapiloho 20:15

E rei a viri, a rana i uka ma i tabuli na buk na nimahuri, ni voro puru ria na darilomu na kanono.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”