Mateo 18:7 - A Nitana Vure

⁷ “A Vure bara i pelekado e huriki ri vakaboru e huriki na naro hale. I muholi, a nitoni bara i bele. Pali a Vure ge pelekado a viri i vakaboru e huriki.

Mateo 18:7 Iomraidhean Croise

A Vuhuna 13:7

Lakea e huriki a vora ne Abram ri vagege turana e huriki a vora ne Lot. Na tahuna iea e huriki a Kenan a Peres ria ranga ri made vona a malala iea.

Mateo 16:23

Pali e Isu i mata lakea ne Petrus, i takia, “Satan, o hamule mai a bitogu! Ioe o pesi karia a dalagu. I uka ma o luhoi a maki na Vure. O luhoi kunana a maki na bakovi.”

Mateo 26:24

A Tuna Bakovi bara i mate, i manga a nita ni here puru hosi. Pali ra bakovi i habia na limane huriki a pile, a Vure bara i ratapilea! Bara i kamumu hateka e kinana i uka ma ge podea hosi.”

Markus 13:7

Na tahuna mu longo a ngava na vabinga, a velengana vabinga, naha ni turutu. A maka maki nga bara ri bele taro, pali a nilobona malala i tabana.

Lukas 17:1

Muri e Isu i taki e huriki a muri­muri vona, i ta maea, “A maka nitoni na rabu hale bara ri bele. Pali a Vure bara i ratapile e huriki ri vaka­boru a viri.

Ioanes 17:12

Na tahuna a made turane ria, a matakari ria na nitora na ramu. I uka tara viri ge velu. A viri i ala taku kunana i velu, ra viri bara i bole a vuranga, lakea ra ngava ni here puru hosi na Hinere ge bele muholi.

Apostolo 1:16

“Mua o huriki a turagu, i bele muholi pali a ngava ni here puru hosi na hinere. A ngava iea a Hanu Kiripiripi i ta polo ne Davit, i vakalongo muga ne Iudas, ra bakovi i vakasiri a dala ne huriki a bakovi ri lakavua e Isu.

1 Korin 11:19

I uka ma i kamumu. Pali i muholi bara i tahoka e huriki ri vapida lae, ge vakasiri e rei ne mua i luhoi muholia e Kristo.

1 Timoti 6:1

E huriki a tara na Vure ra ri made manga a vorakato, ri gi togo kamumu e huriki a matakari ne ria. Ri gi rata mavonga, lakea i uka tara viri ge ta hale vona a Vure, i uka tara viri ge biu a nitovo ne hita.

Titus 2:5

Nahea ri gi rata tavulavula a maki. Ri gi ramai a niluhoi kamumu. Ri gi kiripiripi na matana Vure. Ri gi lohoka vona a naro ni matakari kamumu a ruma ne ria. Ri gi rata kamumu e girihine ria, ri gi longototo ria. Na tahuna ri rata a naro nga, i uka tara viri ge ta hale vona a nitana Vure.

Titus 2:8

Na tahuna o tovo e huriki o ta kavakava kunana, lakea i uka tara viri ge hehe. Ioe bara o rata mavonga, e huriki a pile vomu bara ri maruhu, a vuhuna bara ri keri ni ta hale ne hita.

Iuda 1:4

I ranga e huriki ri dili turane mua ri tamilalu, i uka ma mu matakilala ria. Ri ngalahere na Vure. A narona Vure, i rata kamumu hita, ri puloa, ri taki ta i kamumu ri gi tabana ni mole lae. Ri marikoi ni taki e Isu Kristo a Bakovi Dagi ne ria. I paru hosi, a Vure i lohoka ne ria, i taki ge ratapile ria.