Mateo 18:6 - A Nitana Vure

⁶ Pali e rei a viri i ratea a koma kiroko maea, ra i luhoi tora iau, ge dili na naro hale, bara i kamumu hateka ni gi topi na lohona a kedo dagi, ni gi voro puru na utu, ge pasiri.

Mateo 18:6 Iomraidhean Croise

Mateo 17:27

Pali nahea ri gi maruhu e huriki nga. O vano, o lalu a manu na darilomu. A manu o lalu mugea, o pidea a ngavana, o bole talea a kina ge taku. Muri o vano, o kona a takis ne tarua.

Mateo 18:10

“Naha ni biua tara viri ne huriki a koma kiroko nga, a vuhuna iau a taki mua, e huriki a agelo ne ria ri pesi vakaroro na matane Tata na hunu.

Mateo 18:14

I mavonga kunana, e Tamane mua na hunu i uka ma i ngaru ge velu a viri tara ne huriki a viri kiroko nga.

Mateo 18:5

E rei a viri i tagui a koma kiroko maea na ragu, i tagui iau.

Markus 9:42

“Pali e rei a viri ge ratea a koma kiroko maea, ra i luhoi tora iau, ge dili na naro hale, bara i kamumu hateka ni gi topi na lohona a kedo dagi, ni gi voro puru na utu, ge pasiri.

Apostolo 9:5

Lakea e Saulus i nana, “Bakovi dagi, e rei ioe?” A lohona viri i koli, i ta maea, “Iau e Isu, ra viri o vakamadihia.

A Raukea e Paulus i Here Lakea ne Huriki a Rom 14:21

I kamumu go peremu vona a bobona maki, go peremu vona a vain, o go lohopile a naro tara, ra i ratea e turamu tara i boru.