Mateo 17:5 - A Nitana Vure

⁵ Na tahuna i tabana ni ta, a bubu pangapanga i kavitagu tou. A lohona viri i ta valai na bubu, i ta maea, “A Bakovi iea e Tugu, a hategu. A vivi hateka vona. Moto longo mai a nitana.”

Mateo 17:5 Iomraidhean Croise

A Nimariu 19:19

A nangina tavure i tangi dagi hateka. Muri e Moses i ta turana Vure. A bubu i kururu i pelaka. E Moses i longoa a Vure i ta pololilo na bubu i koli a nitana.

Mateo 12:18

“Mu masia a vora nau, a vulakia. Ia a hategu, a vivi hateka vona. Bara vakatorea na Hanugu, ge vakalongo e huriki i uka ma ria a Iuda, na dala ga korimule ria vona.

Mateo 17:6

Na tahuna to longoa a ngava iea, to mangenge, to boru ngala barara puru to kavitagu a matane tou.

Mateo 3:17

Lakea a lohona viri i ta valai na hunu, i ta maea, “Iea e tugu a hategu. A vivi hateka vona.”

Markus 1:11

A lohona viri i ta valai meli na hunu, i ta maea, “Ioe e Tugu a hategu. A vivi hateka vomu.”

Markus 9:7

Muri a bubu i valai i kavitagu tou. To longoa a ngava i pagitala na bubu i ta maea, “Ra bakovi iea e tugu, a hategu. Moto longo maia a nitana.”

Lukas 3:22

lakea a Hanu Kiripiripi i puru valai i manga a balu, i toka langa vona. Muri a lohona viri i ta valai meli na hunu, i ta maea, “Ioe e Tugu, a hategu. A vivi hateka vomu.”

Ioanes 3:16

“I mavonga a vuhuna a Vure i ngaru hateka e huriki na malala, lakea i rudua e Tuna a bakovi a madiva ge mate, lakea e rei a viri i luhoi tora ia i uka ma ge velu, bara i bole a nimahuri vakaroro.

Ioanes 3:35

E Tamana i ngaru hatekea na hatena e Tuna, lakea i ru a maki lobo na limana.

Ioanes 5:37

Pali e Tata ra i rudu iau a valai, ia tara i ta muholi ne huriki ne nau pali. I uka tara viri ne mua ge longo a lohona o ge matai a matana.

Apostolo 1:9

Muri e Isu ni bole sike na hunu na matane ria. I sike lakea, i kavitagua a bubu, i uka ma ri matai tabua.

Apostolo 7:37

Ia kunana ra viri i taki e huriki a Israel, i ta maea, ‘A Vure bara i vulakia tara ne mua, ge ia a propet manga iau.’

Epesus 1:6

I ngaru si gi kavurikea vona a hini i rata kamumu hateka hita. A leho ne Tuna, ra i ngaru hatekea, i vakasiri manga a Vure i rata kamumu hateka hita.

Vinara 18:15

“Pali e BAKOVI DAGI, a Vure ne mua, bara i vulakia tara turane mua ge ia a propet manga iau, mu ramaia a nitana.

Vinara 18:19

Na ragu kunana a propet ge vakalongo a ngava. I ranga ge longotaro, bara i tahoka a ngava.

Vinara 5:22

“‘Na tahuna mu vapopo na dahana lolo, e BAKOVI DAGI i made pololilo na kanono na bubu na hini i uvo hateka. I ta dagi hateka, i habi ne mua a maka vinara lobo nga. I uka ma i habi tabu ne mua ranga. Muri i here a maka vinara nga na tabekena kedo i rua, i habi nau.’

Kolosi 1:13

A Vure i korimule hita na nitora ne Satan, i bole hita lakea na harikianga ne Tuna a hatena.

Hibru 5:9

Muri i vakalobo a leho vona, ngane i korimule e huriki ri longototo a ngavana, i habi a nimahuri vakaroro ne ria.

Kapiloho 1:7

Mu longo! I popote ge valai na bubu. E huriki lobo ri gi masia. E huriki ri rabalakia, ria ranga ri gi masia. E huriki a kabu lobo na malala ri gi masia, ri gi duku. Ge bele mavonga. I muholi.

Kapiloho 14:14

A mata rike tabu, a masia a bubu keakea. I made langa vona a viri i manga a tuna bakovi. I kubea a tama hariki ni rata na gol. I nugu a vito i vere hateka.