Mateo 16:4 - A Nitana Vure

⁴ E huriki na tahuna mona, ri hale hateka, ri ha taroa a Vure i manga a ngatavine i ha taroa e kakaina, i mole lae. Ri ngaru ni matai a nivakasiri! Pali i uka ma ri gi masia tara nivakasiri. A nivakasiri i taku kunana bara ri masia, a nivakasiri ne Iona a propet.” Muri e Isu i pe ria i vano.

Mateo 16:4 Iomraidhean Croise

A Vuhuna 6:3

Muri e BAKOVI DAGI i ta maea, “A hanugu i uka ma ge made pololilo na bakovi na parava vakaroro, a vuhuna ia a bakovi na malala kunana. A pida ne ria ge harena kunana ne 120.”

Iona 1:1

Na parava tara, a ngavane BAKOVI DAGI i bele ne Iona, e tune Amatai, i ta maea,

Iona 1:17

Pali e BAKOVI DAGI i rudua tara manu dagi, i todoa e Iona. E Iona i made pololilo na kavutuna manu na haro i tolu, na rodo i tolu.

Mateo 15:14

Naha ria. Ri ngaru ni vakasiri a dala ne huriki, pali ri manga a kepa. Pali a kepa, bara i toni ni tulia a kepa, rua varago bara ru boru puru na lovo.”

Mateo 16:5

Na tahuna ri page poloa pali a dari­lomu, e huriki a murimuri ri longo kaburungi ni bole a bret.

Markus 8:12

E Isu i kide tala, i ta maea, “I navai e huriki na tahuna mona ri nana ni matai a nivakasiri? A taki muholi mua, bara i uka tara nivakasiri ri gi masia.”

Markus 8:38

Koea na malala ri rata hateka a molenga, a naro hale. Pali e rei a viri i maruhu nau, i maruhu na ngava nau ngane, a Tuna Bakovi bara i maruhu vona muri ma, na tahuna i valai na nipara ne Tamana, turana e huriki a agelo vona.”

Apostolo 18:6

Pali e huriki a Iuda ri hehea, ri harogia e Paulus. Lakea i madihi a hatena, i kurudu pasi a habulo na varakia vona, i taki ria, “Mua bara mu velu, naha ni padi virihi iau na ngava! A maki mua. Ngane ga vakalongo a Velenga Kamumu ne huriki i uka ma ria a Iuda.”

Apostolo 2:40

E Petrus i taki tabu ranga ngava, i vakalongo ria ne Kristo. I taki tora ria, i ta maea, “Mu korimule mua, mu lele rau vona a rongova na Vure, ge pelekado e huriki a bakovi hale na tahuna mona.”