Mateo 16:18 - A Nitana Vure

¹⁸ A taki ioe, ioe e Petrus. Ga vakapesi langa na kedo iea a tara nau. A nitora na matenga i uka ma ge ratapilea.

Mateo 16:18 Iomraidhean Croise

A Vuhuna 22:17

ngane ga gamai ioe, ga rata e huriki a hamomu ri gi ala kupo manga a hada na hunu, a hire na lavu. E huriki a hamomu ri gi vadede langa vona e huriki a pile ne ria, ri gi bole a vuhutanga ne ria.

Iona 2:6

Polotano na vuhuna lolo, a pasiri puru, a puru polotano liu na utu, a luhoi ta ga made vakaroro na bavi. Pali ioe o korimule iau na lovo, ioe e BAKOVI DAGI, a Vure nau.

Mateo 10:2

A rana e huriki a apostolo ala ravulu a polona i rua ra nga: e Simon (a rana tara e Petrus), e tarina e Andreas. E Iakop e Ioanes, rua e tune Sebedi.

Mateo 11:23

Mua e huriki a bakovi a ngatavine o Kapernaum, naha ni luhoi a Vure ge bole rike mua na hunu. I uka liu! Bara i voro puru mua na tanga ne huriki ri mate pali. A maka nivakasiri a rata na tanga ne mua, bara ni rata hosi o Sodoma, a tanga iea bara i tabana mona.

Mateo 18:17

Ia i tabana i uka ma ge longo, mu taki talea ne huriki a tara na Vure. Ia i tabana i uka ma ge longo, mu mata taroa ge manga a bakovi i uka ma ia a Iuda, o a bakovi ni bole a takis.

Mateo 4:18

Na parava tara, e Isu i lalaho na gagana Darilomu e Galili, i matai e maki tari rua, e Simon (a rana tara e Petrus), turana e tarina e Andreas. Ru ru a vuko, a vuhuna rua a tahodari.

Mateo 7:24

“E huriki ri longo a nitagu, ri longototo, ri manga a bakovi i tahoka a niluhoi kamumu, i hae a roho vona langa na kedo.

Ioanes 1:42

Muri e Andreas i tulia e Simon, ru lakea ne Isu. Na tahuna e Isu i masia, i ta maea, “Ioe e Simon, e tune Ioanes. Ngane a vunu ioe ge ioe e Sipas” (e Sipas na nita Grik i manga e Petrus).

Apostolo 2:47

Ri kavurikea a Vure. E huriki a bakovi a ngatavine polovavo ri ngaru ria. Na parava lobo e Bakovi Dagi i korimule tabu e huriki a bakovi a ngatavine ranga. Lakea ri dili turana e huriki na tara na Vure.

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

Apostolo 8:1

Na matane Saulus, a naro ri rata virihia e Stepan vona i kamumu hateka. Na parava iea kunana ri vakatubu ni vakamadihi e huriki a tara ne Kristo o Ierusalem, lakea ri ha vapida lae, ri vano ri made na tabeke ne Iudea, a tabeke ne Samaria. Pali e huriki a apostolo i uka ma ri vano.

1 Korin 15:55

“O matenga, i vai a tuhamu go ratapile e huriki? I vai a maheto vomu, go padimate e huriki vona?”

Galesia 2:9

I mavonga, na tahuna e Iakop, e Sipas, re Petrus, e Ioanes, ra to manga a butu na lotu, to matakilaka vona a Vure i habi a leho nau, to tuba a limane maria e Barnabas, to rudu lakea maria ne huriki i uka ma ria a Iuda. Pali tou to go leho turana e huriki a Iuda.

Epesus 3:10

I rata mavonga, a tara ne Kristo ge vakasiri ne huriki a matakari na hunu, e huriki a viri dagi na hunu, a lohokanga dagi legelege vona.

Epesus 5:32

A ngava kapiloho iea i tahoka a lohokanga dagi i tabuli vona. Pali iau a ta maea: i ta kana mai e Kristo turana e huriki a tara vona.

Kolosi 1:18

E Kristo i muga ne huriki a tara na Vure. Ia a vuhuna maki lobo, ia a viri i muga i pesi rike mule na matenga, ge muga na maki lobo,

1 Timoti 3:5

A bakovi i uka ma i matakari kamumu a kabu vona, ge matakari navai e huriki a tara na Vure?

Hibru 12:28

I mavonga, si gi vivi ni bole a harikianga muholi, ra i keri ni gi polu. Si gi kavurikea a Vure na naro i vivi vona. Si gi togoa, si gi mangenge vona,

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 21:14

A nure iea, ni hae langa na kedo i ravulu a polona i rua. A kedo takutaku nga, ni here a rana a apostolo takutaku na Tuna Sipsip ala ravulu a polona i rua.