Mateo 16:13 - A Nitana Vure

¹³ Muri e Isu i luve na tabeke ne Sisaria Pilipi. I nana e huriki a murimuri vona, i ta maea, “E huriki ri luhoia a Tuna Bakovi ge ia e rei muholi?”

Mateo 16:13 Iomraidhean Croise

Mateo 12:32

E rei a viri i ta hale na Tuna Bakovi, a Vure bara i puga vuroki a naro hale vona. Pali e rei a viri i ta hale na Hanu Kiripiripi, a Vure i uka ma ge puga vuroki a naro hale vona ngane, i uka ma ge puga vuroki muri ma.

Mateo 12:40

E Iona i made pololilo na kavutuna manu dagi na parava i tolu, a rodo i tolu. I mavonga kunana, a Tuna Bakovi bara i tabuli pololilo na bobona malala na parava i tolu, a rodo i tolu.

Mateo 12:8

A Tuna Bakovi, ia a Bakovi Dagi na Parava Nimalo.”

Mateo 13:37

Lakea e Isu i koli, i ta maea, “A Tuna Bakovi a viri i varo a vutuna vit.

Mateo 13:41

A Tuna Bakovi bara i rudu e huriki a agelo vona ri kope tala na harikianga vona e huriki a bakovi ri longotaro a vinara nau, a maki lobo i rata e huriki ri rata a naro hale.

Mateo 15:21

Muri e Isu i pea a tanga iea, i lakea na tabeke ne Tair, e Sidon.

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 16:28

A taki muholi mua, i ranga ne mua, ra mu pepesi koea, i uka ma mu gu mate ma, bara mu masia a Tuna Bakovi i luve na harikianga vona.”

Mateo 25:31

Muri e Isu i ta maea, “Na tahuna a Tuna Bakovi ge luve turana nipara dagi, ge valai turana e huriki a agelo vona, bara i made na gula hariki vona.

Mateo 8:20

Lakea e Isu i koli i ta maea, “A kaugara i tahoka a dupina i mahita vona. A kadi­rovo i tahoka a nuna i mahita vona. Pali a Tuna Bakovi i uka ruma ge mahita vona.”

Mateo 9:6

Pali ngane ga vakasiri mua, a Tuna Bakovi i tahoka a nitora koea na malala ni puga vuroki a naro hale.” Muri i takia a vaha mate, i ta maea, “O pesi rike, o bolea a moke vomu, o lakea na tanga.”

Markus 10:45

I mavonga a vuhuna a Tuna Bakovi i uka ma i valai ni gi vora vona. I valai ge ia a vora, ge mate, ge korimule huriki ala kupo.”

Markus 8:38

Koea na malala ri rata hateka a molenga, a naro hale. Pali e rei a viri i maruhu nau, i maruhu na ngava nau ngane, a Tuna Bakovi bara i maruhu vona muri ma, na tahuna i valai na nipara ne Tamana, turana e huriki a agelo vona.”

Ioanes 1:51

Muri i voro­polo, i ta maea, “A taki muholi mua, bara mu masia a hunu i mata ka, mu matai e huriki a agelo na Vure ri rike puru na Tuna Bakovi.”

Ioanes 12:34

Lakea ri ta rike, ri ta maea, “Mi gia na vinara, e Kristo bara i valai ge made vakaroro. Pali i navai o ta maea ke, ‘A Tuna Bakovi ni gi bole rike?’ E rei ra Tuna Bakovi iea?”

Ioanes 3:14

Hosi na robo i ngeki, e Moses i vakatavorea na kai a mata ni rata na aen, pali i mavonga kunana a Tuna Bakovi bara ni vakatavore na kai.

Ioanes 5:27

E Tata i habi a nitora nau ga pelekado e huriki, a vuhuna iau a Tuna Bakovi.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 7:56

Lakea i ta maea, “Mu mata sike! A masia a Hunu i mata ka! A Tuna Bakovi i pesi tabukoi na Vure, na limana a kanena.”