Mateo 15:23 - A Nitana Vure

²³ Pali e Isu i uka ma i taratotoa. Muri e huriki a murimuri vona ri taki torea, ri ta maea, “O tonoa a ngatavine iea ge vano. I gale vilihui ne teu.”

Mateo 15:23 Iomraidhean Croise

A Vuhuna 42:7

Na tahuna i matai e huriki e turana mai, i matakilala liu ria, i tami rabu ta ia a bakovi tara. Lakea i tapuhaki, i nana ria, “Ra mua, mu valai vai ngane?” Ri ta maea ria, “Mi valai na robo e Kenan, ta mi gi kona a maki ni kani.”

Mateo 14:15

I malunga liu ngane, lakea e huriki a murimuri vona ri takia, ri ta maea, “I malunga liu pali. A tabeke si made vona i ngeki. O rudu e huriki ri gi hamule lakea na tanga, ri gi kona a maki ni kani.”

Mateo 15:22

A ngatavine o Kenan tara i made vonga. I valai ne Isu, i ta dagi, i ta maea, “Bakovi Dagi, hamone Davit, o dodo iau! E tugu a ngatavine i dili vona a hanitu, i ratapilea.”

Mateo 15:24

Pali e Isu i koli, i ta maea, “A Vure i rudu valai iau ga kori kunana a kabu ne Israel, ri manga a maka sipsip ri velu.”

Vinara 8:2

Mu luhoi kamumua e BAKOVI DAGI a Vure ne hita, i muga mua, i tuhori mua vona a nilaho dagi mu ratea. Mu laho viliha na malala golea na pida i ravulu va. Lakea i rudu valai ranga maregoa ge toni mua, ge lohoka vona, mu gu ramai lobo a vinara vona o ge uka.