Mateo 14:3 - A Nitana Vure

^3-5 I ta mavonga, a vuhuna i rabalakia hosi e Ioanes. A nimatene Ioanes i bele maea: e Ioanes i tahatea e Herod na hini i parangi tabu e Herodias, e girihine tukana, e Pilip. I takia, i ta maea, “A vinara i ta pupukari vona go parangi vona e girihine turamu.” I mavonga, e Herod i ngaru ni rabalakia e Ioanes, pali i mangenge e huriki, a vuhuna ri luhoia e Ioanes a propet. Lakea i rudu vakuku e huriki a nugumaheto, ri lakavu kunanea e Ioanes, ri kolo tatea, ri ru dilia na bavi.

Mateo 14:3 Iomraidhean Croise

Mateo 11:2

Na tahuna e Ioanes, a mari ni vahilolo, i made na bavi, i longo a velengana maka maki e Kristo i rata, lakea i rudu e huriki a murimuri vona

Mateo 14:6

Na parava e Herod ni poda vona, i ratea a habu dagi. E tune Herodias a ngatavine i raulo. Na tahuna e Herod i masia, i vivi hateka,

Mateo 4:12

Na tahuna e Isu i longoa a velengane Ioanes ni ru dili na bavi, i hamule lakea o Galili.

Markus 6:14

E Herod a hariki i longo a maka maki e Isu i rata, a vuhuna a rane Isu ni lohoka vona pali na tanga lobo. E huriki ranga ri ta maea, “Ra viri iea e Ioanes, a mari ni vahilolo, a Vure i vakamahuri mulea na matenga, lakea i tahoka a nitora ni rata a nivakasiri.”

Markus 6:17

hosi e Herod i parangi vona e Herodias, e girihine tarina e Pilip. Pali e Ioanes i takia e Herod, i ta maea, “I uka ma a vilo na vinara go parangi tabu e girihine tarimu.” E Herodias, i madihi a hatena vona e Ioanes, lakea i ngaru ni rabalakia. Pali i uka dalana, a vuhuna e Herod i mangenge ne Ioanes, i matakaria. I lohoka vona ia a bakovi kamumu, i kiripiripi a vilona. E Herod i vivi ni longoa a vinara ne Ioanes. Pali na parava ranga bara i loho lege vona a vinara ne Ioanes. Muri i rudu vakuku, ni gi lakavu e Ioanes, ni gi kolotata, ni gi ru dili na bavi.

Markus 6:22

E tune Herodias a ngatavine i dili, i raulo, i rata e Herod turana e huriki ri valai na habu vona ri vivi. Lakea a hariki i takia a koma ngatavine, “A ra maki o ngarua bara habia vomu.”

Markus 8:15

E Isu i taki tora ria, “Mu lelerau, mu matadoko vona a is ne huriki a Pariseo, a is ne Herod.”

Lukas 13:1

A bakovi ranga ri laho turane Isu ri vakalongoa vona tara maki. E Pilato i rabalaki ranga bakovi o Galili na tahuna ri habi a nihabi na Vure.

Lukas 13:31

Na parava iea kunana, e huriki a Pariseo ranga ri valai ne Isu ri takia ri ta maea, “O ha taroa a tanga iea o lakea na hini ranga, a vuhuna e Herod i ngaru ni rabalaki ioe.”

Lukas 23:11

E Herod turana e huriki a nugumaheto ri padikede loboa e Isu, muri ri vakarodoa na varakia na hariki, ri rudu mulea ne Pilato.

Lukas 23:7

Ri vakalongoa ne Isu a bakovi o Galili, lakea i rudua e Isu ge masia e Herod, a vuhuna e Herod i matakari a tabeke ne Galili. Na tahuna iea e Herod i made vonga o Ierusalem.

Lukas 3:1

E Kaiser Tiberius i matakari pali na pida i ravulu a polona i lima (15), e Ponsius Pilato i matakari o Iudea. E Herod i matakari o Galili, e turana e Pilip i matakari o Iturea o Trakonitis. E Lisanias i matakari o Abilene.

Lukas 8:3

e Ioana e girihine Kusa, re Kusa i matakari a ruma ne Herod, e Susana, turana e huriki a ngatavine ranga. E huriki a ngatavine nga ri habi bala a maki ne ria ni tuhoria e Isu.

Apostolo 12:1

Na tahuna iea a hariki e Herod i vakatubu ni ratapile e huriki a tara ne Kristo.

Apostolo 4:27

A ngava nga ri bele muholi na tahuna e Ponsius Pilato e Herod ru vapopo koea na tanga iea turane huriki a Israel, e huriki i uka ma ria a Iuda. Ri vapopo, ri matakana a dala ri gi ratapilea a vora vomu, re Isu, a viri o vulakia.