Mateo 13:8 - A Nitana Vure

⁸ “Pali a vutuna vit ranga ri boru langa na malala kamumu, ri lua, ri vakabele a kanene ria i 100 ranga, i 60 ranga, i 30 ranga.

Mateo 13:8 Iomraidhean Croise

A Vuhuna 26:12

E Isak i rata a hania, i varo a maki ni kani vona a robo iea. Na pida iea kunana i vona hateka a maki ni kani a hania, a vuhuna e BAKOVI DAGI i gamaia.

Mateo 13:23

“Pali a vutuna vit i boru na malala kamumu i manga a bakovi i longoa a ngava, i longokilalea. I vakabele a kanena vit i kupo hateka na vit ni varo muga. I ranga ri vakabele i ravulu tolu (30). I ranga ri vakabele i ravulu polotara (60). I ranga ri vakabele i ravulu mule ma a murina balaka taku (100).”

Mateo 13:7

“A vutuna vit ranga ri boru na tabeke i vona a barakau. A vit i vua, pali a barakau i kae lobi ria.

Markus 4:20

“E huriki ranga ri manga a malala kamumu, a vutuna vit ni voro langa vona. Ri longoa a ngava, ri bolea, ri vakabele a vutuna i ravulu tolu ranga, i ravulu polotara ranga, pali ranga i ravulu mule ma a murina balaka taku (100). Ri bele kupo hateka na vutuna ni varo muga.”

Markus 4:8

“Pali a vutuna ranga ri boru langa na malala kamumu. Ri gaga, ri koru rike, ri vakabele a kanena i kupo. Ri vakabele i ravulu tolu ranga, i ravulu polotara ranga, pali ranga ri vakabele i ravulu mule ma a murina balaka taku (100).”

Lukas 8:15

“A maka vutuna vit ri boru langa na malala kamumu ri manga e huriki a bakovi kamumu, a bakovi ni ta muholi. Ri longo a nitana Vure, ri ru na hatene ria, ri lohotata vona. Na tahuna ri lohotata na ngava, ri hatenono, bara ri vakabele a kanene ria i kupo.

Lukas 8:8

Pali i ranga a vutuna vit ri boru langa na malala kamumu. Ri koru rike, ri vua, ri vakabele a kanene ria i ravulu mule ma murina i balaka taku (100).” E Isu i tuverei lobo, lakea i gale tala, i ta maea, “E rei a viri i ngaru ni longokilalea a ngavagu, ge longo kamumu, ge luhoi kado.”

Ioanes 15:8

Na tahuna mu vakabele a kanene mua i kupo mu vakasiri mua, mua e huriki a murimuri nau, lakea mu ratea a rane Tata i dagi na malala.

A Raukea e Paulus i Here Lakea ne Huriki a Rom 7:18

A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

Pilipai 1:11

Bara mu ramai kunana a maka naro malamala a vuhuna e Isu Kristo i leho pololilo ne mua, lakea e huriki bara ri kavurikea a Vure.