Mateo 13:44 - A Nitana Vure

⁴⁴ “A harikianga na hunu i manga a tava ni tanu na malala. A bakovi tara i keli a malala, i matavisia a tava. Muri i ru mule tabua. I vivi hateka, lakea i vano i habi a maki lobo vona ni gi kona. I bole a moni, i konea a tabekena malala iea, ge ne vona a tava ni tanu vonga.

Mateo 13:44 Iomraidhean Croise

Mateo 13:24

E Isu i taki tabua tara nita vakakika, “A harikianga na hunu i manga a bakovi i varo a vutuna vit na hania.

Mateo 13:46

Na tahuna i matavisia a viri kamumu hateka, i vano i habi a maki lobo vona ni gi kona, muri i konea a mahala.

Mateo 13:47

“A harikianga na hunu i manga a vuko ni ru na darilomu, i koro vona a manu legelege.

Mateo 19:21

E Isu i koli, i ta maea, “Ioe bara o ngaru ni malamala na matana Vure, o vano o habi a maki lobo vomu ni gi kona. O bole a mapana o habi ne huriki a matasia, bara o tahoka a mahala na hunu. Muri o valai o muri nau.”

Mateo 19:27

E Petrus i koli mule, i nanea, “Mia mi pe a maki lobo ne mia, mi muri vomu! I mavonga, a ra maki mi gi bolea?”

Mateo 19:29

E rei a viri i luhoi tora iau, lakea i pe a ruma vona, i pe e huriki e turana, e kurabana, e tamana, e tuna, a hania vona, iau bara koli, bara ri bole balaka kupo tabu a maki nga, turana nimahuri vakaroro.

Mateo 6:21

A hatemu bara i lakea mai kunana a tabeke o ru a mahala vomu vona.

Lukas 14:33

Mua ranga, mu luhoi kado taro. E rei a viri i uka ma i lohopile a maki lobo vona, i uka ma i kara ge ia a murimuri nau.

Ioanes 6:35

Muri e Isu i vakalongo ria, i ta maea, “Iau a Bret na nimahuri. E huriki ri valai nau i uka ma ri gi vitolo tabu. E huriki ri luhoi tora iau i uka ma ri gi marohu tabu.

A Raukea e Paulus i Here Lakea ne Huriki a Rom 15:4

A ngava lobo ni here puru hosi, ni here ge tovo hita, si gi hatenono. Ri vakatora a niluhoi ne hita si gi pasimata na Vure ge rata a maki lobo i taki tora hita vona.

Kolosi 2:3

A lohokanga lobo, a niluhoi kamumu lobo i tabuli ne Kristo.

Kolosi 3:16

Mu bolea a nitane Kristo ge tabuli kamumu pololilo na hatene mua. Mua takutaku mu tovo mu habi a niluhoi kamumu ne huriki a turane mua. Mu kalolo a maka linge na lotu, a linge vasileki, mu kavurikea a Vure.

Hibru 10:34

Mu dodo, mu kori e huriki ni ru dili na bavi. Na tahuna e huriki ri radi a maka maki ne mua, mu vivi kunana, a vuhuna mu lohoka vona, a maki muholi ne mua i tabuli na hunu, bara i tabuli vakaroro.

Kapiloho 3:18

Ngane a taki mua, a gol nau ni gutu na kanono i maga hateka. Mu konea, mu gu tahoka a mahala. Mu kona nau a varakia keakea, mu gu kavitagu mua vona, i uka ma mu gu kabobo, i uka ma mu gu maruhu tabu. Mu kona nau a marasin na matane mua, mu gu matai tabu.