Mateo 13:41 - A Nitana Vure

⁴¹ A Tuna Bakovi bara i rudu e huriki a agelo vona ri kope tala na harikianga vona e huriki a bakovi ri longotaro a vinara nau, a maki lobo i rata e huriki ri rata a naro hale.

Mateo 13:41 Iomraidhean Croise

Mateo 13:49

Na nilobona parava bara i mavonga kunana. E huriki a agelo ri gi valai, ri gi kalipida e huriki a bakovi malamala, e huriki a bakovi hale.

Mateo 18:7

“A Vure bara i pelekado e huriki ri vakaboru e huriki na naro hale. I muholi, a nitoni bara i bele. Pali a Vure ge pelekado a viri i vakaboru e huriki.

Mateo 24:31

Muri a tavure bara i tangi dagi na tahuna i rudu e huriki a agelo vona ri gi bole sike palupu na tabeke lobo na malala e huriki a bakovi a ngatavine i vulaki ria. Bara ri bole ria na tabeke lobo, i vakatubu na tabeke tara na malala, i vano i lakea na tabekena tara.

Mateo 3:12

Ngane i tabukoi bara i kalipida e huriki a bakovi kamumu, a bakovi hale, i manga a bakovi i leho na hania na vit i kalipida a vit, a luluna. Bara i bole e huriki a bakovi kamumu, i ru ria na tanga kamumu, i manga a bakovi i leho na hania i ru kadolu a vit pololilo na roho na vit. Pali bara i bole e huriki a bakovi hale, i voro rike ria na kanono, i manga a bakovi i leho na hania na vit i bole a luluna vit, i voro rike na kanono. A kanono iea, i uka a nilobona.”

Mateo 8:20

Lakea e Isu i koli i ta maea, “A kaugara i tahoka a dupina i mahita vona. A kadi­rovo i tahoka a nuna i mahita vona. Pali a Tuna Bakovi i uka ruma ge mahita vona.”

Markus 13:27

Muri bara i rudu e huriki a agelo vona, ri gi vakalipopo e huriki a viri i vulaki pali na tabeke lobo na malala a hunu.

A Raukea e Paulus i Here Lakea ne Huriki a Rom 2:16

Bara i bele mavonga na tahuna a Vure i habia ne Isu Kristo a leho ni pelekado a niluhoi kapiloho, a naro kapiloho ne huriki lobo. A ngava iea, a vakalongo ne huriki na tahuna a vakalongo ria na Velenga Kamumu.

Hibru 1:14

E huriki a agelo a hanu kunana. A Vure i rudu ria ri gi tuhori e huriki a bakovi a ngatavine a Vure i korimule ria.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.