Mateo 13:21 - A Nitana Vure

²¹ Pali i uka ma i pesi tora tabaka, a vuhuna i uka kana. Na tahuna a maregoa i bele, o na tahuna e huriki ri vakamadihi vakaroroa a vuhuna i ramai a nitagu, i malaviriri kunana i pea.

Mateo 13:21 Iomraidhean Croise

Mateo 10:22

E huriki a bakovi a ngatavine bara ri marikoi ne mua, a vuhuna mu ramai iau. Pali e rei a viri i pesi tora mavonga ni ramai iau, a Vure bara i korimulea.

Mateo 11:6

E huriki ri matai a maki a rata, pali i uka ma ri koi nau, a Vure bara i rata kamumu ria.”

Mateo 13:20

“A vutuna vit i boru langa na hini kedokedo i manga a bakovi i longo a ngava, lakea i luhoi tora malaviriri kunanea, i vivi vona.

Mateo 13:57

Lakea ri marikoi vona. Muri e Isu i taki ria, “A propet ni togo na tanga lobo. Pali e huriki a bakovi a ngatavine na tanga vona i uka ma ri togoa.”

Mateo 13:6

Pali na tahuna a haro i rike, i hu ria, ri malai, a vuhuna i uka ma i puru hateka a kana ria.

Mateo 24:13

Pali e rei i pesi tora ge harena na parava i mate vona, a Vure bara i korimulea.

Mateo 26:31

Na tahuna ri bele vonga, e Isu i taki e huriki a murimuri vona, i ta maea, “A maki ge bele nau na rodo iea bara i rata mua lobo mu ha taro iau, a vuhuna a ngava ni here puru na Hinere i ta maea, ‘Ga rabalakia a matakari na sipsip, bara ri ha viliha a maka sipsip.’

Mateo 26:33

Lakea e Petrus i koli, i ta maea, “E huriki lobo bara ri matai a maki i bele vomu, bara ri ha. Pali iau i uka ma ga ha.”

Markus 4:17

a vuhuna a kane ria i uka ma i puru hateka. Na tahuna a maregoa i bele, o e huriki ri vakamadihi ria a vuhuna ri ramaia a nita iea, ri ha malaviriri kunana.

Lukas 8:13

“A maka vutuna vit ri boru langa na kedo ri manga e huriki ri longo a nitana Vure, ri vivi ni luhoi torea, pali i uka ma ri ngarua ge dili na hatene ria. Ri ramai na parava popote kunana, pali a parava na nitoni i bele, ri boru.

Ioanes 6:26

E Isu i koli, i ta maea, “A taki muholi mua, i uka ma mu ngaru iau na hini a rata a nivakasiri. Mu ngaru iau a vuhuna a habi tavula a bret ne mua, mu kani, mu maru.

A Raukea e Paulus i Here Lakea ne Huriki a Rom 2:7

E huriki ri ramai a naro kamumu, ri toni a bulune ria ni ratea a Vure ge vivi hateka ne ria, ri toni a bulune ria ni bole a nimahuri vakaroro, a Vure ge habi a nimahuri vakaroro ne ria.

Galesia 5:6

A viri i rihi e Kristo, ra hini ni pala a kulina o i uka, a maki tavula. A maki dagi, ge luhoi torea e Kristo, ge tahoka a naro na nivangaru.

Galesia 6:12

Re huriki nga, ri ngaru ni tugu mua ni gi pala a kuline mua, a vuhuna ri ngaru e huriki a Iuda ranga ri gi vivi ne ria. Ri koi ni muri mai a ngava na kai tavalavala ne Kristo, a vuhuna ri koi e huriki ri gi vakamadihi ria.

Galesia 6:15

Re huriki, ni pala a kuline ria, o i uka, a maki tavula. A maki i dagi hateka, ni bole a nimahuri karaba.

Epesus 3:17

lakea e Kristo ge made pololilo ne mua a vuhuna mu luhoi torea. A vasileki mu gu pesi tora na naro na nivangaru,

Pilipai 1:6

A lohoka vona, a Hanu Kiripiripi, ra i tubu ni rata a leho kamumu pololilo ne mua, bara i leho i vano i harena na tahuna i vakalobo a leho iea, na parava e Isu Kristo ge hamule valai vona.

2 Timoti 1:15

O lohoka vona pali e huriki lobo iene, na tabeke ne Asia, ri ha taro iau pali. E Pigelus e Hermogenes rua ranga ru ha taro iau.

2 Timoti 4:10

a vuhuna e Demas i ha taro iau pali. I ngaru hateka a naro na malala, i lakea o Tesalonika. E Kresens i lakea o Galesia. E Titus i lakea o Dalmesia.

Iakop 3:2

Hita lobo si varoru na rabu i kupo. Pali a viri i uka ma i varoru na ngavana, ra viri iea a viri kamumu hateka, i kara ni matakari a nilaho vona.

1 Petrus 1:5

Mu luhoi torea pali e Kristo, lakea a nitora na Vure i matakari mua. Ge matakari mua ge vano ge harena na nilobona parava na tahuna ge vakasiri kavakava ne huriki a naro i korimule mua vona.

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.