Mateo 13:19 - A Nitana Vure

¹⁹ A vutuna vit i boru na dala i manga e huriki ri longoa a ngava na harikianga, pali i uka ma ri longokilalea. E Satan i valai, i bole vuroki a ngava ni ru na hatene ria.

Mateo 13:19 Iomraidhean Croise

Mateo 12:26

I mavonga kunana, e Satan bara i lili tala mule ia, a harikianga vona bara i lobo tavula.

Mateo 13:20

“A vutuna vit i boru langa na hini kedokedo i manga a bakovi i longo a ngava, lakea i luhoi tora malaviriri kunanea, i vivi vona.

Mateo 13:38

A hania i manga a tanga lobo na malala. A vutuna vit i manga e huriki a bakovi a ngatavine a Vure i matakari ria. A kukuni i manga e huriki a bakovi a ngatavine e Satan i matakari ria.

Mateo 4:23

Muri e Isu i lakea na maka tanga na tabeke ne Galili, i dili na maka roho na vaponga, i vara e huriki na Velenga Kamumu na harikianga na hunu. I vakamahuri e huriki lobo ri tahoka a gilanga.

Mateo 5:37

A ngava o taki kunana ge ‘emi,’ e ‘uka.’ A ngava ranga bara o taki, i valai kunana na hanitu.

Markus 4:15

E huriki a bakovi ranga, ri manga a dala, a vutuna vit ni voro langa vona. Na tahuna ri longo a nita, e Satan i valai malaviriri, i bole tala ra ngava ni varo.

Lukas 10:9

Mu kori e huriki vonga ri giloa, mu taki ria, mu ta maea, ‘A harikianga na Vure i bele tabukoi pali ne mua.’

Lukas 9:2

I rudu tala ria, ri gi vara vona a harikianga na Vure, ri gi vakamahuri e huriki ri giloa.

Ioanes 18:38

Lakea e Pilato i nanea, “I navai a ngava muholi?” Muri e Pilato i pagitala mai e huriki a Iuda, i ta maea, “Iau i uka ma a matavisia vona tara rabu hale ge ratea a bakovi iea.

Ioanes 8:43

I navai i uka ma mu longokilala a hini a taki? I uka ma mu longokilala, a vuhuna mu koi ni longo a ngavagu.

Apostolo 17:32

Na tahuna ri longoa a ngava na nimahuri mule na matenga, e huriki ranga ri padikedea e Paulus. Pali e huriki ranga ri ta maea, “A ngava iea, mi ngaru ni longo tabua vomu muri ma.”

Apostolo 18:15

Pali mu padi virihia na rana vure, na ngava i rata. Mu padi virihia i uka ma i ramai a vinara ne mua. I mavonga mu pelekadoa. Iau i uka ma ga pelekadoa.”

Apostolo 20:25

A laho turane mua, a vara mua na harikianga na Vure. Pali ngane i uka ma mu gu matai tabu iau.

Apostolo 28:23

Muri ri rua tara parava ri gi vapopo turane Paulus vona. I bele a parava iea, lakea e huriki ala kupo hateka ri valai maia a ruma i made vona. I vara ria vona a parava iea, i vakatubu na hatelanga, i vano i harena na haro i puru. I toni ni rata ria ri gi luhoi torea e Isu, lakea i vakasiri ria na vinara ne Moses, na Hinere ne huriki a propet, i vakalongo ria vona a harikianga na Vure.

A Raukea e Paulus i Here Lakea ne Huriki a Rom 1:28

Ri marikoi ni luhoia a Vure, lakea i lohopile ria, ri gi vora vona a maka niluhoi hale ne ria. I mavonga, ri vakatubu ni rata a maka naro hale, ra i ta pupukari vona a Vure.

A Raukea e Paulus i Here Lakea ne Huriki a Rom 14:17

A pelegona a harikianga na Vure, i uka ma a vinara na maki ni kani, a maki ni ninu. A pelegona a harikianga na Vure i maea, si gi laho malamala, si gi made na nivalemu, si gi vivi na nivivi na Hanu Kiripiripi.

A Raukea e Paulus i Here Lakea ne Huriki a Rom 2:8

Pali e huriki ri luhoi mule ria kunana, ri marikoi ni longototoa a ngava muholi, ri longototo kunana ni rata a naro hale, a rongova na Vure bara i vakamadihi hateka ria.

Epesus 3:8

I habia nau a leho iea, pali iau, ne huriki lobo na tara na Vure, iau a bakovi tavula liu. Pali i rata kamumu iau, i habi a leho nau ga vara e huriki i uka ma ria a Iuda, ga taki ria na maka mahala i kupo hateka ge ne ria na tahuna ri rihi e Kristo. A mahala nga ri dagi hateka, si keri ni matakilala.

2 Tesalonika 2:12

I mavonga kunana a Vure ge pelekado e huriki lobo i uka ma ri luhoi torea a ngava muholi, ri ngaru a naro hale.

Hibru 2:1

I mavonga, si gi luhoi kamumua a ngava si longoa pali, ma si gi lohopilea.

1 Ioanes 3:12

Nahea si gi naro manga e Kain. Ia a bakovi ne Satan, lakea i rabalakia e tarina, i mate. I rabalakia a vuhuna a narona i hale, a narone tarina i malamala.

1 Ioanes 5:18

Si lohoka vona e huriki a tuna Vure i uka ma ri ramai tabu a naro hale. E Satan i keri ni padoi ria, a vuhuna a Tuna Vure i matakari ria.

1 Ioanes 5:20

A Tuna Vure i valai, i vakapalala a gine hita, si gi lohoka vona a Viri Muholi. Si rihia e Tuna, re Isu Kristo, a Bakovi Muholi. Ia a Vure Muholi. Ia a vuhuna a nimahuri vakaroro.