Mateo 11:25 - A Nitana Vure

²⁵ Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Mateo 11:25 Iomraidhean Croise

A Vuhuna 14:19

I gamaia ngane e Abram i ta maea, “A Vure Meli Liu i rata rike a hunu a malala i gamai ioe.

A Vuhuna 14:22

Pali e Abram i koli mule, i ta maea, “Iau a kaba pali ne BAKOVI DAGI, a Vure Meli Liu, i rata rike a hunu a malala. Iau a rata a ngava dagi pali,

Mateo 16:17

Lakea e Isu i takia, “Simon, tune Iona, a Vure i rata kamumu ioe. I uka tara bakovi ge vakasiria vomu. E Tata na hunu kunana a viri i vakasiria vomu.

Mateo 21:16

Lakea ri nanea e Isu, “A ngava i taki e huriki a koma kiroko, o longo?” I koli i ta maea, “A longo. Pali mua, a ngava ni here hosi na Hinere, mu longoa o i uka? Ni here maea: ‘E huriki a koma kiroko, a koma ri ruru, o rata ria ri kavurike ioe.’”

Lukas 22:42

“Tata, ioe bara o ngaru, o korimule iau vona a nimadihi dagi ta ga bolea. Pali naha ni muri mai a ningaru nau. O muri mai a ningaru vomu.”

Lukas 23:34

Muri e Isu i ta maea, “Tata, o puga a naro hale ne ria, a vuhuna i uka ma ri lohoka vona a maki ri rata.” E huriki a nugumaheto ri rehi vona tara rihiva. A viri bara i mulangi bara i bole a varakia ne Isu.

Ioanes 11:41

Muri ri kule talea a kedo. Lakea e Isu i mata rike na hunu, i ta maea, “Tata, a kavurike ioe a vuhuna o longo iau pali.

Ioanes 12:27

E Isu i ta rike tabu, i ta maea, “Ngane i mava a hategu, pali ga ta navai? Ga ta maea, ‘O Tata, o korimule iau na nimadihi iea?’ Pali i uka ma ga ta mavonga a vuhuna iau a valai ga bolea a nimadihi iea.

Ioanes 12:28

O Tata, ge bagetu a ramu.” Muri a lohona viri tara i ta valai na hunu i ta maea, “Iau, a ragu ni vakabagetu pali. Pali ga ratea ge bagetu tabu.”

Apostolo 17:24

“A Vure, ra i ratarike a malala turana maki lobo ri tabuli vona, ia a Bakovi Dagi na hunu a malala. I uka ma i made na roho ni hae na limana bakovi.

1 Korin 2:10

Pali ngane a bagetua kamumu nga, a Vure i vakasiri ne hita na limana Hanuna, a vuhuna a Hanuna Vure i matai kado kamumu a maki lobo. I mavonga kunana, a niluhoi kapiloho na Vure, a Hanuna i lohoka kamumu vona.

2 Korin 3:14

Pali e huriki a Israel ri gigi tora. A gine ria i uvo na tahuna ri gi a ngava dagi hosi, i valai i harena mona. I manga a lavalava iea, e Moses i kavitagu a matana vona, i kavitagu a niluhoi ne ria. E Kristo kunana i kara ni vuka tala a maki i kavitagu a niluhoi ne ria, ri gi longokilala a ngava.