Mateo 11:23 - A Nitana Vure

²³ Mua e huriki a bakovi a ngatavine o Kapernaum, naha ni luhoi a Vure ge bole rike mua na hunu. I uka liu! Bara i voro puru mua na tanga ne huriki ri mate pali. A maka nivakasiri a rata na tanga ne mua, bara ni rata hosi o Sodoma, a tanga iea bara i tabana mona.

Mateo 11:23 Iomraidhean Croise

A Vuhuna 13:13

Re huriki a bakovi o Sodoma ria a viri hale, ri rata vakaroro a naro hale hateka na matane BAKOVI DAGI.

Mateo 10:15

A taki mua, na tahuna a Vure i pelekado e huriki, a nimadihi bara i bolea e huriki na tanga iea bara i dagi hateka na nimadihi i bolea e huriki na tanga e Sodoma, e Gomora.

Mateo 16:18

A taki ioe, ioe e Petrus. Ga vakapesi langa na kedo iea a tara nau. A nitora na matenga i uka ma ge ratapilea.

Mateo 17:24

Na tahuna ri bele o Kapernaum, e huriki a bakovi ni bole a 50 toea takis na roho na Vure ri valai ne Petrus, ri nanea, “Ra mari ni tovo ne mua, i kona kilala a takis na roho na Vure, o i uka?”

Mateo 4:13

I malaga o Nasaret, i vano i made o Kapernaum, a tanga tabukoi na darilomu na malala ne huriki a kabu ne Sebulun e Naptali.

Mateo 8:5

Na tahuna e Isu i dili o Kapernaum, a ubu na tara na nugumaheto i valai vona, i takia ge koria,

Lukas 10:15

Mua o huriki a bakovi a ngatavine o Kapernaum, mu luhoi a Vure ge bole rike mua na hunu? I uka liu! Bara i voro puru mua na tanga ne huriki ri mate pali.

Lukas 14:11

O rata mavonga, a vuhuna a viri i rata polo mugamuga, a Vure bara i vakamaruhua, pali a viri i vakakiroko ia, a Vure bara i kavurikea.”

Lukas 16:23

I made na kanono, i bole a nimadihi dagi. I mata sike, i masia e Abraham i made basi hateka. E Lasarus i made turana.

Lukas 4:23

Lakea e Isu i taki ria i ta maea, “Muholi hateka, muri ma bara mu takia nau tara ngava hosi i nangi maea: ‘Ioe a bakovi ni korimule e huriki, o korimule ioe ke!’ Muri bara mu ta maea, ‘Mi longo ioe o rata a maka nivakasiri o Kapernaum. Pali ngane o rata koea na tanga vomu a maka maki nga.’

Apostolo 2:27

a vuhuna i uka ma go lohopile iau, ga tabuli na kanono. I uka ma go mata taroa a Viri Malamala vomu, ge mavuru.

Iuda 1:7

Hosi e huriki a bakovi a ngatavine o Sodoma, o Gomora, na maka tanga tabukoi ne rua, ria ranga ri rata a naro hale. E Bakovi Dagi i ratapile ria, a vuhuna ri ramai a maka naro hale legelege na molenga. Ri ramai a ningaru hale na kakaine ria. A naro ri rata, i uka ma a naro muholi. I ratapile ria na kanono i tabuli vakaroro. A Vure i rata ria ri manga a kilakila na a ra maki ge bele ne huriki ri ngalahere vona.

Kapiloho 1:18

Iau a mahuri. Hosi a mate, pali ngane a mahuri vakaroro. Iau a nugua a ki na matenga, a ki na murine huriki ri mate pali.

Kapiloho 11:8

lakea a podane rua ru gu tabuli na rosi na tanga dagi, ra ni ta vakakika vona e Sodoma, e Egipto, na tanga ni paditata na kai tavalavala a Bakovi Dagi ne rua.

Kapiloho 20:13

E huriki ri mate na dari, ri mahuri mule na matenga. E huriki ri mate pali, ri made na murine huriki ri mate pali, ri pesi rike mule na matenga, lakea ni pelekado ria takutaku, i ramai a narone ria ri rata na malala.

Kapiloho 6:8

A mata lakea, a masia a hos havura! A bakovi i rike vona, a rana e Matenga. A viri ni gale A Murine Huriki Ri Mate Pali i muri vona. Ni habi ne rua a nitora ni rabalaki e huriki ala kupo (¼) Ru gu rabalaki ria na bainat, na pago, na gilanga dagi, ru gu rudu a maka maki ri tegi na robo ri gi kara mate ria.