Mateo 11:22 - A Nitana Vure

²² A taki mua, na parava a Vure ge pelekado e huriki vona, a nimadihi mu gu bolea bara i dagi hateka na nimadihi bara ri bolea e huriki na tanga e Tair e Sidon.

Mateo 11:22 Iomraidhean Croise

Mateo 10:15

A taki mua, na tahuna a Vure i pelekado e huriki, a nimadihi bara i bolea e huriki na tanga iea bara i dagi hateka na nimadihi i bolea e huriki na tanga e Sodoma, e Gomora.

Mateo 11:21

Lakea i ta maea, “Mua e huriki a bakovi a ngatavine o Korasin, o Betsaida, a Vure bara i ratapile mua! A maka nivakasiri a rata na tanga ne mua, bara ni rata hosi o Tair, o Sidon, bara ri pulo malaviriri a vilone ria, ri rodo a mohu, ri voro tapa mule ne ria a habulo.

Mateo 11:24

A taki mua, na parava a Vure ge pelekado e huriki vona, a nimadihi mu gu bole bara i dagi hateka na nimadihi bara ri bole e huriki na tanga e Sodoma.”

Mateo 12:36

A taki mua, na parava a Vure ge pelekado e huriki vona, bara i nana e huriki a bakovi a ngatavine na ngava hale lobo ri rata, lakea bara ri koli.

Lukas 10:14

“Na parava a Vure ge pelekado e huriki vona, a nimadihi bara mu bolea bara i dagi hateka na nimadihi bara ri bole e huriki na tanga e Tair e Sidon.

Hibru 2:3

Pali a Velenga Kamumu, e Isu a Bakovi Dagi i habia ne hita. Muri e huriki ri longoa a ngavana ri taki hita vona a velenga iea i muholi. Pali si gi lohopilea a Velenga Kamumu iea, na Vure ge korimule hita, si gi ha navai? A Vure bara i vakamadihi hale hita.

2 Petrus 2:9

A Bakovi Dagi i kara ia ge korimule e huriki a bakovi malamala na nitoni. I habi a nimadihi ne huriki a bakovi hale, ge vano ge harena na parava ge pelekado e huriki lobo vona.

2 Petrus 3:7

I mavonga muri ma, a nitana Vure bara i ratapile tabu a hunu a malala. Na parava a Vure ge pelekado e huriki lobo, bara i rungani a hunu, a malala, bara i ratapile e huriki ri ngalahere na Vure.

1 Ioanes 4:17

Na tahuna si rihi a Vure, a naro na nivangaru i bele dagi ne hita. Muri, na parava a Vure ge pelekado e huriki vona, i uka ma si gi mangenge, a vuhuna si laho manga e Isu koea na malala.

Kapiloho 20:11

Muri a masia a gula hariki keakea dagi, i made vona tara viri. A malala a hunu ru ha taroa, i uka ma ni matai tabu.

Kapiloho 20:12

Lakea a matai e huriki ri mate pali, re huriki a bakovi dagi, e huriki a bakovi tavula, ria lobo ri pesi na ngalana gula hariki. A maka buk ni veve. A buk tara tabu ni veve, ra buk na nimahuri. Ni pelekado a narone huriki lobo ri mate pali, i ramai a ngava ni here na buk nga, ra a maka narone ria ri rata hosi na malala.