Mateo 11:19 - A Nitana Vure

¹⁹ Pali na tahuna ri masia a Tuna Bakovi i kani, i ninu, ri ta maea, ‘Ia a bakovi ni kani hateka, ni ninu hateka. I turana e huriki a bakovi ni bole a takis, e huriki a mari ni rata a naro hale.’ Pali e huriki ri ramai a niluhoi kamumu na Vure, ri vakasiri manga a niluhoi kamumu vona i muholi.”

Mateo 11:19 Iomraidhean Croise

Mateo 5:46

Mua bara mu ngaru kunana e huriki ri ngaru mua, a ra maki kamumu mu gu bolea? E huriki a bakovi ni bole a takis, ria ranga ri ngaru kunana e huriki ri ngaru ria.

Lukas 14:1

Na Parava Nimalo tara, e Isu i vano i kani na ruma na bakovi dagi tara ne huriki a Pariseo. Ri mata­nonoa, ri mata kana a naro ranga ge rata ruru.

Lukas 19:7

E huriki ri masia ri ta barangungu, ri ta maea, “Re Isu, i navai i vano i made turana bakovi hale iea?”

Lukas 7:29

Na tahuna e huriki ri longoa a nitane Isu, e huriki a bakovi a ngatavine, turana e huriki a bakovi ni bole a takis, ri ta maea, “I muholi, a Vure i ngarua e Ioanes ge vahilolo mia.” Ri ta mavonga, a vuhuna e Ioanes i vahilolo ria pali.

Ioanes 2:2

E Isu turane huriki a murimuri vona, ria ranga ni taki ri gi lakea na habu iea.

A Raukea e Paulus i Here Lakea ne Huriki a Rom 15:2

Si gi rata kamumu ria, ri gi vivi. Si gi tuhori ria ri gi laho kamumu turana Vure.

Kapiloho 7:12

ri ta maea, “I muholi! A Vure ne hita i bagetu kamumu hateka! I tahoka a nipara dagi hateka! I tahoka a lohokanga lobo! Si gi kavurike vakaroro ia! Si gi togo vakaroro ia! I tahoka a nitora lobo! I tuhaka hateka! I muholi!”