Mateo 11:1 - A Nitana Vure

¹ I vara lobo e huriki a murimuri vona ala ravulu a polona i rua, muri i malaga, i laho lae na maka tanga na tabeke ne Galili, i totovo e huriki.

Mateo 11:1 Iomraidhean Croise

Mateo 4:23

Muri e Isu i lakea na maka tanga na tabeke ne Galili, i dili na maka roho na vaponga, i vara e huriki na Velenga Kamumu na harikianga na hunu. I vakamahuri e huriki lobo ri tahoka a gilanga.

Mateo 7:28

E Isu i ta lobo, lakea e huriki ri turutu vona a nivara vona,

Mateo 9:35

E Isu i lakea na tanga dagi, a tanga kiroko lobo, i tovo e huriki pololilo na roho na vaponga. I vara e huriki na Velenga Kamumu na harikianga na Vure. I vakamahuri e huriki lobo ri giloa.

Markus 6:12

Lakea ri vano, ri vara e huriki ri gi pulo a vilone ria.

Lukas 23:5

Pali ri hinituhana, ri ta maea, “Ra bakovi iea i laho viliha na tabeke ne Iudea, i vakarike a hatene huriki, ri rata tuhare, i vakatubu o Galili, i valai liu koea.”

Lukas 8:1

Muri e Isu i laho lae na maka tanga dagi, a tanga kiroko, i vakalongo a Velenga Kamumu na harikianga na Vure. E huriki a apostolo vona ala ravulu a polona i rua ri laho turana.

Ioanes 15:10

Mua bara mu longototo a ngavagu, bara ngaru mua, i manga kunana a longototo a ngavane Tata, lakea i ngaru iau.

Ioanes 15:14

Mua bara mu muri mai a vinara nau, bara mua e huriki a turagu.

Apostolo 1:2

i vano i harena na tahuna e Isu ni bole sike na hunu. Muga ne ia ni bole sike na hunu, na nitora na Hanu Kiripiripi i vakalongo e huriki a apostolo vona, i vulaki pali ria na leho ri gi ratea.

Apostolo 10:38

Mu lohoka vona, a Vure i vulakia e Isu o Nasaret, i habi vona a Hanu Kiripiripi, a nitora. E Isu i laho na tabeke lobo, a Vure i made turana, i rata a naro kamumu, i korimule e huriki a bakovi i ratapile ria a hanitu.

Apostolo 10:42

I vakuku mia mi gi vara e huriki, mi gi vakalongo kamumu ria maea, ‘A Vure i vulakia e Isu ge pelekado e huriki ri mahuri, e huriki ri mate pali.’

1 Tesalonika 4:2

Mu lohoka vona a vinara lobo mete taki mua vona na rane Isu a Bakovi Dagi.

2 Tesalonika 3:10

Mu lohoka vona na tahuna mete tabana ni made turane mua, mete taki tora mua, mete ta maea, “A bakovi i marikoi ni leho, nahea ge kani.”

2 Tesalonika 3:6

Mua e huriki a turagu, mete vakuku mua na rane Isu Kristo a Bakovi Dagi ne hita: Mu malele ha vona e huriki a turane hita ranga ri laho tavula, i uka ma ri muri mai a vinara mete vara mua vona.

1 Timoti 6:14

A taki ioe, o longototo a nitana Vure. Naha ni longotaroa tara, ge harena na tahuna e Isu Kristo a Bakovi Dagi ne hita ge hamule valai.