Mateo 10:42 - A Nitana Vure

⁴² E rei a viri i vakaninu na naru piu e huriki a murimuri tavula nau, a taki muholi mua, a Vure bara i rata kamumua.”

Mateo 10:42 Iomraidhean Croise

Mateo 18:10

“Naha ni biua tara viri ne huriki a koma kiroko nga, a vuhuna iau a taki mua, e huriki a agelo ne ria ri pesi vakaroro na matane Tata na hunu.

Mateo 18:14

I mavonga kunana, e Tamane mua na hunu i uka ma i ngaru ge velu a viri tara ne huriki a viri kiroko nga.

Mateo 25:40

“A Hariki bara i koli, i ta maea, ‘A taki muholi mua, a ra maki mu rata virihi e huriki a turagu matasia vona, mu rata virihi iau.’

Lukas 17:2

E rei a viri i vakaboru e huriki, bara i kamumu vona ni gi topi na lohona a kedo dagi, ni gi voro purua na utu, nahea ge vakaboru e huriki a bakovi tavula nga.

Lukas 6:35

Pali a ngaru mua mu gu ngaru e huriki a pile ne mua, mu rata kamumu ria. Na tahuna mu habi ne ria a maki, naha ni taki ria ri gi habi mule. Mu rata mavonga, a mapane mua bara i dagi hateka, bara mua e huriki e tuna Vure Meli Liu, a vuhuna i rata kamumu e huriki ri bole lupu a maki, e huriki ri naro hale.

2 Korin 8:12

Mua bara mu ngaru hateka ni habi a maki na Vure, mu habi ge ramai a ra maki mu tahoka, lakea a Vure bara i vivi vona a maki mu habi. A Vure i uka ma i ngaru mu gu habi a maki i uka ma mu tahoka. Mu habi kunana a maki mu tahoka.

Hibru 6:10

Mu leho tora vakaroro ni kori e huriki a tara na Vure. Mu vakasiri manga mu ngarua a Vure. I uka ma ge mata kepa vona a Vure, a vuhuna a narona i kiripiripi kunana.