Mateo 10:4 - A Nitana Vure

⁴ E Simon a hamone Silot, e Iudas Iskariot, ra viri i habi e Isu na limane huriki a bakovi hale.

Mateo 10:4 Iomraidhean Croise

Mateo 26:14

Muri e Iudas Iskariot, ra turane huriki a murimuri ala ravulu a polona i rua, i lakea ne huriki a prister dagi,

Mateo 26:15

i ta maea, “Iau ga habia na limane mua e Isu, pali a ra maki mu gu habia nau?” Lakea ri konea na moni silva i ravulu tolu (30).

Mateo 26:2

“Mu lohoka vona a Habu na Nipagepolo bara i bele muri na parava i rua. Na parava iea a Tuna Bakovi bara ni habi na limane huriki a pile. Muri bara ri paditatea na kai tavalavala.”

Mateo 26:47

E Isu i tabana ni ta, e Iudas, ra turana murimuri i ala ravulu a polona i rua, i bele. E huriki a prister dagi, e huriki a gare ne Israel ri rudu turane Iudas a bakovi ala kupo. Ria lobo ri nugu a lebo, a bainat.

Mateo 27:3

Na tahuna e Iudas, ra viri i habia e Isu na limane huriki a pile, i masia ri gi rabalakia e Isu, i kilu vona a naro i ratea, lakea i habi mule ne huriki a prister dagi, a gare, a silva i ravulu tolu.

Markus 14:10

Muri e Iudas Iskariot, a turane huriki a muri­muri ala ravulu a polona i rua, i lakea ne huriki a prister dagi ge habi na limane ria e Isu.

Markus 14:43

E Isu i tabana ni ta, lakea e Iudas, ra turane huriki ala ravulu a polona i rua, i bele malaviriri. E huriki a prister dagi, a mari na vinara, a bakovi dagi ri rudu e huriki a bakovi, ri bole a bainat a lebo, ri vano turane Iudas.

Lukas 22:3

Lakea e Satan i dili ne Iudas Iskariot, a turane huriki a murimuri ala ravulu a polona i rua.

Lukas 22:47

Na tahuna e Isu i tabana ni ta, e huriki a tara bulolo ri laho valai. E Iudas, ra turana e huriki a apostolo ala ravulu a polona i rua, i muga ne ria, i vakasiri a dala ne ria. I valai tabukoi ne Isu ta ge ngurua.

Ioanes 13:2

Na malunga ngane ri kakani. E Satan i habi pali a niluhoi ne Iudas Iskariot, e tune Simon, ge habi e Isu na limane huriki a pile.

Ioanes 6:64

Pali i ranga ne mua i uka ma mu luhoi tora.” E Isu i ta mavonga, a vuhuna i lohoka vona muga e huriki i uka ma ri luhoi torea, i lohoka vona e rei a viri ge habia na limane huriki a pile vona.

Ioanes 6:71

A viri i ta kanea e Iudas e tune Simon Iskariot. E Iudas ia a turane huriki ala ravulu a polona i rua, pali muri bara i habi e Isu na limane huriki a bakovi hale.

Apostolo 1:13

Na tahuna ri bele o Ierusalem, ri lakea na ruma ri made vona, ri rike polomeli. E huriki ri bele vonga ra nga: e Petrus, e Ioanes, e Iakop e Andreas; e Pilip rua e Tomas; e Bartolemeus rua e Mateo; e Iakop tune Alpius, e Simon a tara ne huriki a Silot; e Iudas tune Iakop.

Apostolo 1:25

ge ratea a leho na apostolo, ge bole a muri ne Iudas, ra viri i pe a leho vona, i bole a mapana.”