Mateo 10:23 - A Nitana Vure

²³ Na tahuna a tanga tara i vakamadihi mua, mu ha taroa, mu lakea na tanga tara. A taki muholi mua, i uka ma mu gu paha lobo ma a tanga o Israel, a Tuna Bakovi bara i valai pali.

Mateo 10:23 Iomraidhean Croise

Mateo 16:27

A Tuna Bakovi bara i valai na bagetuanga ne Tamana turana e huriki a agelo vona, ge habi a mapa ne huriki takutaku, ge muri mai a narone ria.

Mateo 16:28

A taki muholi mua, i ranga ne mua, ra mu pepesi koea, i uka ma mu gu mate ma, bara mu masia a Tuna Bakovi i luve na harikianga vona.”

Mateo 2:13

To vano pali a bakovi dagi nga, lakea a agelo ne Bakovi Dagi i bele ne Iosep na vurena, i ta maea, “O pesi rike turana koma, e kinana, moto ha lakea o Egipto. Moto made vonga. Muri bara taki matou, moto hamule valai. E Herod i matakanea a koma iea, ta ge rabalakia.”

Mateo 23:34

I mavonga, ga rudu lakea ne mua e huriki a propet, e huriki a bakovi na lohokanga, e huriki a mari na vinara na lotu. Bara mu rabalaki ranga, mu paditata na kai tavalavala ranga. Bara mu lagu pololilo na roho na vaponga ranga, pali e huriki ranga bara mu lili lae ria na maka tanga.

Mateo 23:36

A taki muholi mua, mua e huriki na tahuna mona bara mu bole a nimadihi, a vuhuna e huriki a bakovi nga ni rabalaki.

Mateo 24:27

Na tahuna a Tuna Bakovi ge valai, bara i luve kavakava manga a vila. A vila i maravila na nirike na haro, i para lobo vona a hini i lakea na nirolona haro.

Mateo 24:30

Muri a kilakila na Tuna Bakovi bara i bele na hunu. E huriki a kabu lobo na malala bara ri tangi. Muri bara ri masia a Tuna Bakovi i pesi langa na bubu, i puru valai na hunu turana nitora, a nipara dagi.

Mateo 24:34

A taki muholi mua, e huriki a bakovi a ngatavine na tahuna iea i uka ma ri gi mate ma, bara i bele taro a maka maki nga.

Mateo 24:48

Pali a vora iea bara ia a bakovi hale, bara i taki mulea, i ta maea, ‘A bakovi dagi nau i uka ma ge valai malaviriri.’

Mateo 25:13

“I mavonga, mu mamata, a vuhuna i uka ma mu lohoka vona a parava o a kilala e Bakovi Dagi ge valai vona.

Mateo 26:64

E Isu i koli, i ta maea, “A ngava mu takia pali. Pali ngane ga vakalongo mua lobo, i vakatubu ngane mu gu masia a Tuna Bakovi i made na limana kanena na Viri i Tuhaka. Bara mu masia i pesi langa na bubu na hunu, i puru valai.”

Mateo 4:12

Na tahuna e Isu i longoa a velengane Ioanes ni ru dili na bavi, i hamule lakea o Galili.

Markus 13:26

“Na tahuna iea e huriki lobo bara ri masia a Tuna Bakovi ge valai na bubu turana nitora dagi, a nipara.

Lukas 18:8

A taki muholi mua, bara i kori malaviriri ria. Pali na tahuna a Tuna Bakovi ge hamule valai na malala, ge matai ranga e huriki ri luhoi tora ia, o ge uka?”

Lukas 21:27

Ngane ri gi masia a Tuna Bakovi i valai na bubu, i valai turana nitora a nipara dagi.

Ioanes 7:1

Muri e Isu i laho lae pololilo na tabeke ne Galili. I koi ni lakea tabu na tabeke ne Iudea, a vuhuna e huriki a Iuda ri ngaru ni rabalakia.

Apostolo 17:10

Na rodo iea kunana e huriki a kabukabu ri rudu e Paulus e Sailas ru lakea o Berea. Na tahuna ru bele vonga ru lakea na roho na vaponga ne huriki a Iuda.

Apostolo 17:14

I mavonga e huriki a kabukabu ri vakaha malaviriria e Paulus, ge pori, ge rike na aga, ge lakea o Atens. Pali e Sailas e Timoti ru made mule vonga o Berea.

Apostolo 20:1

Na tahuna a rongova i lobo, e Paulus i rudu a ngava lakea ne huriki a murimuri ri gi valai vona. I vakatora ria na ngava, muri i tarulu puru ria, i vano i lakea na tabeke ne Masedonia.

Apostolo 8:1

Na matane Saulus, a naro ri rata virihia e Stepan vona i kamumu hateka. Na parava iea kunana ri vakatubu ni vakamadihi e huriki a tara ne Kristo o Ierusalem, lakea ri ha vapida lae, ri vano ri made na tabeke ne Iudea, a tabeke ne Samaria. Pali e huriki a apostolo i uka ma ri vano.