Mateo 10:18 - A Nitana Vure

¹⁸ Bara ri turari mua mu pesi na matane huriki a matakari, a hariki a vuhuna mu ramai iau. I mavonga e huriki nga, turana e huriki i uka ma ria a Iuda, bara mu vakalongo ria vona a maki mu matai iau a rata, a ngava a taki.

Mateo 10:18 Iomraidhean Croise

Mateo 10:17

Mu matadoko ne huriki a bakovi. Bara ri vakapesi mua na ngava. Bara ri hotu mua pololilo na maka roho na vaponga.

Mateo 10:19

Na tahuna ri lakavu mua, naha ni loho lege lae na maki mu gu taki o mu gu ta navai. A Vure bara i habi ne mua a ngava bara mu taki na tahuna iea,

Mateo 8:4

Muri e Isu i takia, “Naha ni takia tara viri. O vano o vakasiri ioe na prister. Muri o habi a nihabi vomu, i manga a hini e Moses i taki hosi. Lakea e huriki ri gi matakilaka vona ioe ni vakamatapado pali.”

Markus 13:9

“Mu tagari mua. Bara ni ru mua na limane huriki a bakovi ni pelekado a ngava, bara ni lagu mua pololilo na roho na vaponga. Bara ri vakapesi mua na matane huriki a matakari, a hariki, a vuhuna mu ramai iau. Na naro iea kunana bara mu vakalongo ria na Velenga Kamumu.

2 Timoti 1:8

Lakea, naha ni maruhu ni vakalongo e huriki ne Bakovi Dagi ne hita. Naha ni maruhu ne nau ni ru dili na bavi. Tu gu bole a nimadihi a vuhuna tu ramai a Velenga Kamumu. Tu gu kaloho a nimadihi iea na nitora na Vure.

Kapiloho 1:9

Iau e Ioanes, a turane mua. Si vaveru na ni bole a nimadihi na rane Isu. A dili turane mua na harikianga na Vure, si pesi tora ni ramaia e Isu. Iau a vara e huriki na nitana Vure, a ngava ne Isu, lakea ni lakavu iau, ni ru dili iau na bavi, koea na bodu e Patmos.

Kapiloho 11:7

Na tahuna ru vakalobo a leho ne rua ni ta propet, e Livoa bara i sike valai na lovo i marangeo, bara i vaubi turane rua. Bara i mulangi, i rabalaki rua,

Kapiloho 6:9

Na tahuna a Tuna Sipsip i lagea a limana buluka, a matai a hanune huriki ri made na taruna dede na nihabi. Re huriki nga ni rabalaki a vuhuna ri taki tala ne huriki a nitana Vure.