Mateo 1:25 - A Nitana Vure

²⁵ Pali i uka ma i mahita turana, i harena na tahuna e Maria i podea a koma bakovi vona. Lakea e Iosep i vunua a rana e Isu.

Mateo 1:25 Iomraidhean Croise

A Nimariu 13:2

“E huriki a Israel ri gi habi lobo nau e huriki a tabua bakovi, turana a tabua toga na maka sipsip a bulmakau.”

A Nimariu 22:29

“Naha ni vakatoku ni habi nau a vit, a vain, a oliv ri moro muga. E huriki a koma tabua bakovi, ngi ranga mu habi nau.

Mateo 1:21

Bara i podea a koma bakovi. O vunua ge Isu, a vuhuna bara i korimule e huriki a kabu vona na naro hale ne ria.”

Mateo 1:24

Na tahuna e Iosep i hadongo, i muri mai a ngavana agelo ne Bakovi Dagi. I tulia e Maria ge girihina, ru lakea na tanga.

Lukas 1:31

O longo valai. Ngane bara o singou, o podea a koma bakovi. O vunua ge Isu.

Lukas 2:21

Na tahuna a koma i tahoka a parava i polotolu, ni pala a kulina, ni vunu e Isu, i muri mai a ngavana agelo i taki e Maria vona, muga ne Maria i singou.

Lukas 2:7

lakea i podea a koma a tabua, a bakovi. I bunua na lavalava, i vakamahita purua na murina maki ni kani na sipsip, a vuhuna a roho na mosi i vonu pali.

A Raukea e Paulus i Here Lakea ne Huriki a Rom 8:29

I paru hosi, a Vure i lohoka pali ne huriki ta ri gi luhoi tora ia. I lohoka muga ne ria, i taki muga ri gi bole a narone Tuna, ge ia a tabua ne huriki e tarina, re hita e huriki a tuna Vure.